نتائج التوجيهي 2021 فلسطين

استراحة الملتقى هنا يجد أعضاء الملتقى الكرام ما يسليهم ويروح عن أنفسهم,تسلية ترويح,العاب,لعب,نكشة راس,فرفشة,ضحك,نرفيه,جوائز,games

قاموس الكلمات الفلسطينية

الصورة الرمزية فراشة القمر
فراشة القمر
...:::: عضو ذهبي ::::...
تاريخ الإنضمام: 022007
رقم العضوية : 399
الدولة : عالم الخيال
المشاركات: 4,482
قديم 23-07-2007, 03:49
المشاركة 1
نشاط فراشة القمر
  • قوة السمعة : 185
    افتراضي قاموس الكلمات الفلسطينية
    الفلسطينية, الكلمات, قاموس

    جايبالكو مصطلحات غزاوية ومجدلاوية ويافاوية وحمامية وبدوية ونابلسية وكله على كله ولما تشوفو بتعرفو

    بنكيت = الرصيف في الشارع

    البيارة = المزرعة

    شمينت = نوع من انواع اللبن مفردة من مخلفات العدو الصهيوني

    ككسة = كيكة

    الكوربة = راس الشارع = لفة آخر الشارع

    ضاوي = فاقد = ما بفهم اشي

    براد = بكرج = إبريق بنقول براد الشاي أو بكرج الشاي

    شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن ( للنسوان فقط )

    بشكير = منشفة اللي بنشف فيها وجهنا على الصبح

    فرشة = معناتها فراش بس احنا بندلعها فرشة هههههههههه

    ابطيني = يعني بياكل اكل ما شاء الله ولا هو داري عن حاله

    بابور = زي فرن الغاز بس على صغير واله عين وحدة وبشتغل على الكاز (بابور الكاز) عليوة هههه

    مخدة = وسادة

    زرفيل = قفل الباب

    اقلط الشارع = اقطع الشارع

    عشرطعش = يقصد فيها الكثرة من الشئ

    تخت = سرير

    رمزون = إشارة مرور ضوئية

    كلنس = محارم

    سطل = جردل = دلو

    هواية = مروحة

    نونة = يعني شوي

    نتفة = اقل من شوية هههههههه

    ونجك حالك = يعني زبط حالك

    روق يا ضاوي = يعني وحد الله يا مجنون ههههههههههه

    على بلاطة = يعني من الآخر

    كوشي = يعني اسود

    شكشوكه = (اكله ) بندوره وبيض

    بابوج = شبشب

    معصلج = مزرجن = مش راضي أو بمعنى آخر راكب راسه

    مقلمة = علبة الأقلام اللي بكون شايلها الطالب تاع المدرسة

    فورسة = فسحة اللي في نص الحصص في المدرسة

    كنتين = كافتيريا المدرسة

    صف = فصل المدرسة

    الدالية = هي شجرة العنب

    يقال تعال نقعد تحت الداليه بمعني هيا بنا نجلس تحت شجرة العنب

    الزغيرة = الزغنونة = صغيرة

    جمطة = يعنى ما بتنبلع = ما تنزل من زور

    طشه = يعني فسحة او طلعة علي البر او علي البحر

    اجنص = جديد من النايلون سطل

    مواسرجي = السباك ... الرجل الذي يقوم بتصلح المجاري

    حنفية = صنبور= مصورة

    مية متلجة = مياة مثلجة

    ورا الدار = خلف البيت

    قاع الدار = الجزء الامامي للدار

    قزاز = زجاج

    سيرج = زيت الذرة او زيت عباد الشمس

    سقاطة = حصالة

    قداحة = ولاعة

    بربيج = خرطوم المياة

    لنش = سفينه صيد اسماك كبير

    حسكة = سفينة صيد صغيرة

    شياطة = الاداة المستخدمة في التزحلق على امواج البحر

    زمور = منبه السيارة

    كوربة = التفاف الشارع .. تقاطع يعني

    منقرز = محتاج الى سيجارة

    مخرمن = محتاج شاي او قهوة ههههه

    شخبطة = خرابيش الجاج

    شقلب وجهك عني= يعني ما بدي اشوف خلقتك

    سبهللة = يعني بدون مسؤولية

    افتح مخك وطقطق دنيك = ركز معي الله لايسيئك

    تلقحيه = واحد رامي حالو علينا

    دكانة = سوبر ماركت

    نتخرف = ندردش مع بعض

    ام العبد و ابو العبد = اسم فلسطيني قح

    قح = عالاخر

    فرم الشاب = طحنه = خلاه زي الطحينه

    فعص في بطن الشاب = خبط في بطنه هلكه

    جلدة راسه خميله = عبيط او بفهمش بسرعه

    بدكاش = ما بدك

    شاكوش = مطرقة

    فطبول = كرة قدم

    طقية = قبعة

    شمر = ارفع البنطلون او الجلبية وافكح او اجري

    قرفان = واحد مش طايق حالو بالمرة

    سك عالدم = يعني انسى ومش فايقلك

    برقان = برتقال بس الواحد بيكون مستعجل

    بوزك = وجهك

    زير = الاناء المصنوع من الفخار يوضع في الماء

    قشاط = اللى بيكون على البنطلون

    طنجره = بالمصرى حله هاى اللى بيكون فيها الطبيخ اسمها طنجره

    الحين = الان بس احنا النا بعد تانى عن الحياه ( حمامي) ههههه

    حبيبى يا حج = حبيبى يا قلق = حبيبى يا لوز = حبيبى يا حوت

    شقفه = حته قطعه

    يع = يعنى قرفان من اشى

    اوعى تتزحلق = يعنى تندب دير بالك فى صابون على البلاط

    الخوصة = السكين

    شرشف = ملاية

    جربان = شراب ( في الرجل بلبسوه )

    شاف = اللي بيحطو فيه الميّة

    ليدن = علكة

    احلقلو = طنشو = ماتعبرهوش

    ترللي = مهوي = اهبل

    عجأة عفجأه .. ايتيكيت عالموكيت .. مرتب عالمكتب .. والعدة عالسدة

    يجاكر = يعاند

    زبدية = صحن من الفخار لعمل الدقة الغزاوية

    ورق دوالي: ورق عنب

    قمباز = لباس فلسطيني يلبسه الختارية

    سجرة = شجرة

    اسكومية = يعني ايس كريم هههههههه ( الدلع )

    الفرشوحه = يعني سندويش الشاورما بالغزاوي القح

    ريحة : يعني عطر

    قصافة = يعني مقص أظافر

    هلأ = الان = هسا = الحين بالفلاحي

    مستهلسكو = يعني مش معبركو

    مطعوج = من الفعل انطعج

    والمصدر تاعو انطعاج وهو الشء المعوج

    فشكة = بيت الرصاصة الفارغه...

    ازعق عليه = نادي عليه

    ضلك كاوي = ضلك ماشي على طول (نفس الطريق )

    يختي = اسلوب نداء للمؤنث

    يخو= اسلوب نداء للمذكر

    بعكش = فتش = ابحث = دور

    بسكليت = يعني دراجة



    الفلسطينيةالفلسطينيةالفلسطينيةالفلسطينيةالفلسطينيةالفلسطينيةالفلسطينية
    قديم 25-04-2008, 02:45
    المشاركة 2
    الصورة الرمزية فراولة فلسطين
    فراولة فلسطين
    .:: عضو جديد ::.
    افتراضي
    يسلمووووووووووو
    قديم 25-04-2008, 03:12
    المشاركة 2
    الصورة الرمزية د. حسين رومي
    د. حسين رومي
    مشرف ملتقى طب الاسنان
    افتراضي
    بحر - بتشديد الحاء وكسرها- يعني اطلع و لد علي

    ترتح= قرقط = امسك منيح بلاش تندب

    اصحى تندب = اصحى تقع

    جركل = جلن - الجيم مصرية - = تنكة = وعاء من صفيح أو بلاستيك يوضع فيه الزيت أو الكاز او المي

    حواشة - مع تشديد الواو - = سقاطة = خزان = اشي من البلاستيك بجمعو الولاد مصروفهم فيه

    تبعك = إلك ، هاض القلم تبعك يعني هذا القلم إلك

    هاض = اسم اشارة للقريب بمعنى هذا

    هضاك = اسم اشارة للبعيد يعني ذلك

    اشراع - مع تسكين الشين- = شيء مصنوع من الجلد، يتم تجميع اللبنة المملحة فيه لصنع الجميد

    شطفة = قطعة قماش بيضاء - بجوز مساحتها 1X1 ترتديها العجائز على رؤسهن

    اعراقيه = شيء بلبسنه العجائز على رؤسهن، له رباط يتدلى أسفل الحنك، وقبعة مخروطيه تكون فوق الرأس

    الحنك = الفك

    ليش لاوي بوزك = ليش مكشر

    الذيل = الشيء، ومؤنثها ذلية
    (تستخدم للدلالة على شيء لا تعرف اسمه، مثلا بتدور على شيء مابتعرفه، قول وين الذيل؟ أو وين الذليه؟

    طربيزة = اسكلة = طاولة صغيرة جدا توضع أمام الضيوف لوضع كاسات الشاي عليها

    مغلين = محزمق = معصب

    شمطه = ضربه وعادة تكون بالبربيج او فيش مسجل

    قرنه = مخدة

    جارور = الدرج الذي توضع فيه الأشياء او درباس الباب


    ويسلمو ايديك


    قديم 25-04-2008, 05:46
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    يعطيكو العافية جميعا على المصطلحات :LolLolLolLol:
    اضافة رد

    مواقع النشر (المفضلة)

    الكلمات الدلالية (Tags)
    الفلسطينية , الكلمات , قاموس

    أدوات الموضوع

    الساعة الآن 06:12.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة لملتقى طلاب فلسطين
    •  
    •  
    •  
    Powered by vBulletin® Version 3.8.8
    Copyright ©2000 - 2021, Jelsoft Enterprises Ltd.