نتائج التوجيهي 2021 فلسطين

استراحة الملتقى هنا يجد أعضاء الملتقى الكرام ما يسليهم ويروح عن أنفسهم,تسلية ترويح,العاب,لعب,نكشة راس,فرفشة,ضحك,نرفيه,جوائز,games

نصائح للبنات الي بدها تنخطب !!

الصورة الرمزية نرجسة البر
نرجسة البر
.:: عضو قدير ::.
تاريخ الإنضمام: 042007
رقم العضوية : 787
الدولة : في دنيا غريبة
المشاركات: 1,314
قديم 27-06-2007, 03:15
المشاركة 1
نشاط نرجسة البر
  • قوة السمعة : 140
    نصائح للبنات الي بدها تنخطب !!
    للبنات, الى, بدها, تنخطب, نصائح

    موضوع يدحك مووووووووووت بس اقروه للأخر



    آنستي العزيزة.. لو ربنا فك عقدتك.. واتخطبتي.. فإليك نصائحي حتى
    تأخذي بخطيبك من مركب الخطوبة إلِّي محدش عارف هاترسى على إيه..
    إلى مثوااااه الأخير في قفص النسانيس.. قصدي قفص الزوجية السعيد..

    أجمل ما في الخطوبة العزومات الرومانسية.. على أحلى محلات أكل ف
    البلد.. واللي عمرك مانتي شايفاها بعد الجواز.. المهم نصائحي لك
    عند
    أي عزومة مع ختيبك.. قلنا رقَّه ....

    >>1- الأول لازم تعرفي إن الشوكة والسكينة بيتمسكوا من إيديهم من
    الطرف
    يعني مش م الوسط ولا م البوز زي الخنجر ولا من فوق طبعًااا

    >>2- العيش أوعي تفضحينا وتقطعيه بسنانك.. ولا الرغيف نصين بأيدك وكل
    نص
    لقمة وتحشري..
    أوعي.. العيش بيتقطع بالسكينة ف الطبق.. وبعدين تاخدي
    لقمة.. لقمة.. بالعافية.. قال يعني نفسك مسدودة.. اضغطي على أعصابك
    جدااا وبعدين لما تروَّحي.. إبقي حِفِّي زي مانتِ عايزه....

    >>3- الشوووربة.. أبوس كعب رجلك.. بند الشوربة ده مهم جدًاااا..
    الشوربة
    تتشرب من غير صوت خالص.. ومن غير ماتقعدي تنفخي فيها.. زي القهوجي
    اللي بينفخ ف الحجر للزبون.. وطبعًاااااا عايزك تنسى تمامًا..
    السلطانية اللي بتقيميها على بقك ف البيت.. وتدلقي على
    روحك..
    بالمعلقه وبدون صوت.. سخنة ولعة برضه بدون صوت.. وتسيبي تلت الطبق
    عالأقل.. مش تميليه.. عشان تلهطيها لآخر نقطة.....


    >>4- الرز طبعاً .. بيتاكل بالشوكة.. أوعي إيدك تتمد ع المعلقة..
    وتغرفي
    من طبق الرز وتعبي.. إوعي.. الرز بالشوكة.. وكأنك بتبوسيه مش
    بتاكليه..

    >>5- المكرونة..
    الاسباكتي.. برضه بالشوكة.. تتلف على طرف الشوكة.. لحد
    ما تخلص وبعدين تحطيها ف بؤك من سكات.. مش تشفطي المكرونة عود
    عود..

    >>6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي
    اللحم من النص.. بالطول وبعدين تفردي اللحم ع الجانبين ولما تخلصي
    ناحية.. متقلبيش السمكة.. بلاش فلح.. شيلي السلسلة بالشوكة
    والسكينة
    وحطيها ف جنب الطبق وكملي أكل النص التاني.. وبدل الفيلم الهندي
    ده..
    نصيحة.. ماتكليش السمك خالص.. قولي مابحبش السمك وخلصي نفسك..


    >>7- الجمبري.. -إذا كنتي عارفاه-.. أول ماطبق الجمبري ينزل.. بصيله
    بقرف واحتقار شديدين.. آل يعني زهقانة من كتر أكل الجمبري الجامبو

    فبيت ببااااا.. وأتنهدي جامد وقولي.. برضه..؟؟؟ وتروحي قاطعة راس
    الجمبريياية.. بالشوكة.. أنا ف عرضك إنسي المصمصة دلوقت..


    >>8- البطاطس سواء مسلوقة أو محمرة.. أوعي تهرسيها
    وتدبيها ع الرز وتدي
    ...لا..لآ...لآ...بالشوكة حتة حتة وإنت زي ما تكوني هاتعيطي من كتر
    ما
    البطاطس صعبانة عليكي..


    >>9- الفاكهة.. لو الفاكهة فيها بذر.. طلعيه من بؤك بالراحة وحطيه ف
    إيدك وهي مقفولة.. وبعدين ف طفاية السجاير اللي ع الترابيزه.. أوعي
    ياحبيبتي من نظام التفتفة للبذر..
    إنسي....


    >>10- ولما تخلصي أكل تحطي إيدك على بطنك.. -اللي عصافيرها بتصوصو من

    العينات اللي كلتيها-.. وتقولي له مش ممكن.. أنا عمري ما اتفجعت
    كدة..
    أنا أودامي أسبوع.. هابطل أكل فيه.....

    وبعدين تمسكي الفوطة اللي دايمًا موجودة ع التربيزة من غير لازمة..

    وتبوسيها.. آل يعني بتمسحي بؤك..

    وبعدين تستأذني منه لدخول التوليت لإصلاح ماكياجك.. وتخشي التواليت

    وتطلعي من شنطة إيديك.. لفة الفول والطعمية اللي جايباها معاكي..

    وبالهنا والشفااااااااااااا

    اختكن الحريصة
    نرجسة البر
    قديم 27-06-2007, 09:49
    المشاركة 2
    الصورة الرمزية roze
    roze
    .:: عضو مبدع ::.
    افتراضي
    heheheh
    ma b3rafek heek
    اضافة رد

    مواقع النشر (المفضلة)

    الكلمات الدلالية (Tags)
    للبنات , الى , بدها , تنخطب , نصائح

    أدوات الموضوع

    الساعة الآن 11:49.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة لملتقى طلاب فلسطين
    •  
    •  
    •  
    Powered by vBulletin® Version 3.8.8
    Copyright ©2000 - 2021, Jelsoft Enterprises Ltd.