نتائج التوجيهي 2021 فلسطين

الملتقى العام (ملتقى مالا ملتقى له) هذا القسم مخصص للمواضيع التي ليس لها قسم خاص في ملتقانا

صديقتان واحدة ملتزمة و الاخرى متبرجة

الصورة الرمزية Eng Abu Yazen
Eng Abu Yazen
...::::: مشرف عام سابق :::::...
تاريخ الإنضمام: 012007
رقم العضوية : 246
الدولة : غزة هاشم
المشاركات: 16,489
قديم 06-06-2007, 10:52
المشاركة 1
نشاط Eng Abu Yazen
  • قوة السمعة : 652
    صديقتان واحدة ملتزمة و الاخرى متبرجة
    ملتزمة, متبرجة, الاخرى, صديقتان, واحدة

    السلام عليكم

    موضوع للنقاش


    صديقتان واحدة ملتزمة و متحجبة و الاخرى متبرجة و تاركة للصلاة .
    السؤال المطروح من ستاثر على الاخرى بمعنى الملتزمة تجعل المتبرجة تتوب ام المتبرجة تجعل الملتزمة تترك التمسك بدينها . و هل تستطيع صداقتهما ان تدوم ؟؟


    أرجوني ردودكم ؟ وبالذات الصبايا :1001:
    قديم 06-06-2007, 11:08
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    بداية بتشكرك خيي ابو يزن على طرح هكذا مواضيع حساسة

    اما عن سؤالك ...؟؟

    من ستاثر على الاخرى بمعنى الملتزمة تجعل المتبرجة تتوب ام المتبرجة تجعل الملتزمة تترك التمسك بدينها . و هل تستطيع صداقتهما ان تدوم ؟؟

    بصراحة سؤالك بتجه الى طريقين ....من خلال معنى كلمة متبرجة اللي بتقصدها

    ممكن قصدك المتبرجة ...اللي مو متحجبة ....هادا الخيار الاول
    اسمحلي احكيلك اول شي انو مو كل اللي متحجبات ملتزمات ومو كل اللي مو متحجبين سيئين .....يعني اانا في عندي كتير صحبات مو متحجبين لكن اروع واحسن ما يكون .....والاغلبية منهم بتصلي .....اما ازا على التأثير ....انا برأي حسب تمسك كل وحدة بالشي اللي هيي عليه يعني ازا المتحجبة لابستو وعارفة ليه لابستو ومبسوطة انها لابستو مستحيل حد يأثر فيها لو شو ما كان ......اما ازا كانت مزعزة ففي احتمالية انو صحبيتها هديك تاثر فيها ....وهاد احتمال انا بعتبرو ضئيل جدا ......لانو بصراحة عمري في حياتي كلها ما شفت صبية بتحكي لصحبيتها مثلا اشحلي الجلباب .....يعني احكيلك ممكن تأثر عليها من ناحية الاخلاق .....اما قصة الحجاب ما اتوقع ......وبتوقع انو نسبة التأثير الملتزمات على الغير ملتزمات أكتر .....طبعا هادا بتوقف على أكتر من نقطة اهمها الطريقة اللي بتدعي فيها صحبيتها للحجاب ازا كانت راقية او منفرة .....صح ولا لاء اما على قصة الصلاة فهنا صحبات أكيد على وقت الصلاة بدها فرضا الملتزمة تروح تصلي طبعا المرة الاولى والتانية والتالتة وهكزا ....قبل ما تحكي الملزمة مع صحبيتها بهاد الخصوص هيي لحالها حتشعر انو الشي اللي بتعملو غلط وبتصير تهتم بموضوع الصلاة وأكيد صحبيتها الها دور كبير في دعمها وسيرها بهاد الطريق وبرجع بردو وبأكد انو في كتير صبايا مو متحجبين بحافظو على الصلاة اكتر من غيرهن من المتحجبات
    وبنهاية هادا الخيار ....ازا انو الصداقة رح دوم او لاء ...انا بحكيلك انها بدوم وعن تجربة كمان .....بما انو اسا الصداقة على المحبة والاحترام .......


    اما ازا كان قصدك بالتبرج ...التبرج الفاحش .......مو ضروري اشرح ....فما بتوقع بتاتا انو وحدة كتيرتكون متبرجة ومو سائلة عن حالها ( عفوا على الكلمة ) وحدة ملتزمة انهن يكونو مع بعض صحبة ...وفرضا ازا جمعتهن ضروف خاصة متل الدراسة ....فأنا متاكدة انو العلاقة حتكون كتير رسمية ومستحيل تتعدى لصداقة ......وما بحكي انو هاد الشي مستحيل انو في احتمالية انو يصيرو صحبة ...لكل قاعدة شواذ


    بتمنى اني جاوبتك على سؤالك خيي ابو يزن كما يجب

    اعزرني على الاطالة

    تحياتي
    قديم 07-06-2007, 12:13
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اول شيء بتشكرك كتير يا نجمة لمرورك دائما على المواضيع الخاصة بالنقاش واضافتك رأيك الجميل والراقي

    على العموم انا بشوف انه اكتر خبرة منا كشباب في هدي الاشياء

    بس انا بعتقد في قصة قوة التأثير مين اللي بـتأثر على التانية
    مثل ما حكيتي انهاللي عارفة ليش الحجاب لبسيته مش ممكن تتزعزع
    وهون انا بدي اقول البنت صاحبة الشخصية القوية هي الاكثر تأثيرا . مش هيك

    بس البنت الغير متحجبة ممكن تكون بمكانة التفاحة المخمجة
    هلا نيجي للواقع الحين لما نحط تفاحة مضروبة في كوم تفاح محترم
    مين اللي هيعدي التاني ؟ :1019:
    اكيد المضروبة هتعدي صاحبتها الثانيات
    او خلينا نشبها بنقطة الحبر التي سقطت في كأس ماء صافي وانتم عارفين شو بصير لما نحط حبر في كأسة ماء

    تانيا قوللي كيف ممكن تكون وحدة بتصلي وسايبة الحجاب
    الصلاة والحجاب فرض
    قديم 07-06-2007, 12:19
    المشاركة 2
    الصورة الرمزية Mr. Vista
    Mr. Vista
    عضو مجلس ادارة سابق
    افتراضي
    انا بقول انه مش شرط حدا ياثر عالتاني

    لانه صعب الواحد يغير قناعات شخص

    بس برضه مش شرط

    يعني احتمال انه اي وحده تاثر على الثانية وهدا الشي برجع لقوة الشخصية والاسلوب بالمحاورة

    شكرا لطرح الموضوع
    قديم 07-06-2007, 12:30
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    منور يا ايهم :LolLolLolLol:
    قديم 07-06-2007, 03:03
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    اقتباس:
    المشاركة الأصلية كتبت بواسطة Abu Yazen
    اول شيء بتشكرك كتير يا نجمة لمرورك دائما على المواضيع الخاصة بالنقاش واضافتك رأيك الجميل والراقي

    على العموم انا بشوف انه اكتر خبرة منا كشباب في هدي الاشياء

    بس انا بعتقد في قصة قوة التأثير مين اللي بـتأثر على التانية
    مثل ما حكيتي انهاللي عارفة ليش الحجاب لبسيته مش ممكن تتزعزع
    وهون انا بدي اقول البنت صاحبة الشخصية القوية هي الاكثر تأثيرا . مش هيك

    بس البنت الغير متحجبة ممكن تكون بمكانة التفاحة المخمجة
    هلا نيجي للواقع الحين لما نحط تفاحة مضروبة في كوم تفاح محترم
    مين اللي هيعدي التاني ؟ :1019:
    اكيد المضروبة هتعدي صاحبتها الثانيات
    او خلينا نشبها بنقطة الحبر التي سقطت في كأس ماء صافي وانتم عارفين شو بصير لما نحط حبر في كأسة ماء

    تانيا قوللي كيف ممكن تكون وحدة بتصلي وسايبة الحجاب
    الصلاة والحجاب فرض

    بتشكرك على متابعة ردي خيي ابو يزن

    بس ازا ممكن حابة اعلق على كزا نقطة احكيتها .......

    انا برفض تشبيه التفاح او الحبر على هادي الحالة .......لانو ما في وجه للمقارنة وومتل ما كتبت من قبل انو حسب الحالة وحسب اقتناع كل وحدة بالشي اللي بتعملو
    وبرجع بحكيلك نادرا ما تشوف وحدة متحجبة خلعت الحجاب عشان صحبيتها اقنعتها او اثرت عليها .......وبما انو صح صار انفلات بزيادة وتقليد للغرب ..بس بتواكب هادي الحركة حركة توسع اسلامية كبيرة ...فبرجع بحكي انو نسبة احتمال التأثير اللي مو متحجبة على غيرها




    اما على انو كيف وحدة مو محجبة وبتصلي فهنا كتار ........يعني حنا ما بدنا نضلهم انو هنا سيئات بكل شي على العكس ......انا بعرف صبايا مو متحجبين بس أحسن من هيك أخلاق ما شافت عيني ...وكمان بصلو ....بس كفرة حجاب هاد بتوقع اغلب الدور للاهل لانو في اهل ما بسألو وما بدققو كتير على الحجاب ......بس كصلاة من صغار متعودين انو نصلي وبنعرف انها تاني أركان الاسلام ......الخ ......يعني هاد الشي من الوقع


    تحياتي ابو يزن
    قديم 07-06-2007, 03:18
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    انا ما قصدت بتشبيه التفاحة والحبر انها تخلي البنت تترك الصلاة والحجاب
    انا قصدت في الاخلاق والجري وراء الموضات الغريبة اللي بنشوفها والافكار مثل الحديث مع شباب ولبس البنطال تبدأ باقناعها بانه امر عادي
    وقصص من هادي الشغلات
    وبعدي كل هاد ما يتكوم بعدها يحدث المكروه

    اقتباس:
    ......بس كصلاة من صغار متعودين انو نصلي وبنعرف انها تاني أركان الاسلام ......الخ ......يعني هاد الشي من الوقع
    اختي النجمة ربما والدايك عودوكي وعلموكي على الصلاة منذ الصغر وهدا اجمل شيء يقدمانه لابنائهم
    ونحن نعلم بان احسان تربية الابناء تنجي الاباء من النار اي من احسن تربية ابناءه يدخل بهم الجنة
    وربنا يحفظكم لبعض ويدخلكم فسيح جناته

    لكن هل الجميع يسلك هدا السلوك لننظر الى الواقع ....... سنرى الكثير الكثير اللي ماشيين بالشقلوب وعلى فكرة وضعنا كفلسطينين افضل بكثير من بقية الدول العربية
    على العموم شرفني مروك وتعليقك الرائع
    واتمنى دوام التوفيق لكي
    قديم 07-06-2007, 03:24
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    اللهم امين

    النا ولجميع المسلمين يارب العالمين

    والله يهدينا جميعا يارب

    بس الحمد لله انا عندي تفاؤل بهادي الفترة لانو شايفة الناي بترجع لدينها وبتهتم بأطفالها من ناحية الصلاة والقران ...اكتر من السنوات اللي قبل

    تحياتي ابويزن
    قديم 07-06-2007, 03:32
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اقتباس:
    بس الحمد لله انا عندي تفاؤل بهادي الفترة لانو شايفة الناي بترجع لدينها وبتهتم بأطفالها من ناحية الصلاة والقران ...اكتر من السنوات اللي قبل

    ان شاء الله الكل بيصير ملتزم وربنا يهدي الجميع
    قديم 10-06-2007, 07:47
    المشاركة 2
    الصورة الرمزية شمس الغروب
    شمس الغروب
    .:: عضو نشيط ::.
    افتراضي
    اول شي موضوعك بيفتح افاق واسعة للتفكير بالجواب
    لكن باعتقادي انه النجمة كفت ووفت
    اما رايي الشخصي:
    ضمن الاجواء السياسية يلي بنعيشها كونت فكرة بتتبناها المقولة
    الراي السياسي لا يفسد للود قضية
    واقتبستها في اغلب علاقاتي ووصلت لانه الاعتقاد الدين كمان لايفسد للود قضية كل انسان مسؤول عن نفسه امام ربه احنا هون بهالدنيا مو لنحاسبه يمكن نوجه للصواب لكن بالنهاية هو حر
    وبما انه الاولى محجبة لا اعتقد انه كسبت لقب ملتزمة لولا انه مقتنعة بهالشي ومستحيل اي اشي يؤثر علها شو ما كان ومين ماكان
    قديم 10-06-2007, 09:04
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اقتباس:
    واقتبستها في اغلب علاقاتي ووصلت لانه الاعتقاد الدين كمان لايفسد للود قضية كل انسان مسؤول عن نفسه امام ربه

    زكرتيني بها المثل الفلسطيني اللي بيقول كول مع اليهودي ونام مع المسيحي

    حابب هون انوه لشغلة وذلك تعقيبا على كلامك يا مس بلو
    اقتباس:
    احنا هون بهالدنيا مو لنحاسبه يمكن نوجه للصواب لكن بالنهاية هو حر

    والله انا بنصح صحيح لكن برضه ما بضلي مع حدا مصر على اشيء غلط لانه ممكن بكون بيعمل اشياء خطأ اخرى
    فأنا اذا ضليت معاه فهيك بجيب الشبهة الي صح ولا خطأ
    والرسول عليه الصلاة والسلام قال اجتنبوا الشبهات
    ووووبس ومشكورة على المرور
    قديم 10-06-2007, 09:51
    المشاركة 2
    الصورة الرمزية حنين الصمت
    حنين الصمت
    .:: عضو ::.
    افتراضي
    موضوع جميل جدا وحلو الواحد يناقش في

    انا رأيي الشخصي انو يمكن ما تأثر ولا وحدة على التانية ويضلو صاحبات
    بس لما المتبرجة تملك اسلوب الاقناع والطرح المميز والقدرة على الاقناع ممكن بسهولة تاثر على المحجبة
    وازا المحجبة امتلكت هذي الصفات يمكن بكل سهولة تاثر على المتبرجة

    واحيانا تكون الفتاه الغير متحجبة انسانة تمتلك صفات جميلة قد تقودها الى الحجاب
    وقد تكون الفتاه المتحجبة انسانة تمتلك نفس ضعيفة قد تقودها الى ترك الحجاب

    وهذا لا ينطبق على كل البنات

    هذا رأيي الشخصي

    شكرا على الموضوع الحلو
    قديم 10-06-2007, 10:11
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    مشكورة حنين لأبدأ رأيك
    قديم 11-06-2007, 10:28
    المشاركة 2
    الصورة الرمزية شمس الغروب
    شمس الغروب
    .:: عضو نشيط ::.
    افتراضي
    يمكن يا ابو يزن حكيك صحيح لكن انا بدي اسال هل ازا كانت موضع شبهات لهدرجة ليه لتخارها المحجبة من البداية صديقة ما المكتوب مبين من عنوانه حيكون
    بس نصيحة لوجه الله
    اكب خطا انه تحكم عالانسانة من مجرد غير الالتزام في كتير ناس
    عدم التزامهم من البيئة بلي بعيشو فيها
    يمكن يكون عندها بؤرة خير مرة عمرة من الحديث والنقاش وتعزيز النزعة الدينية نقدر نوصللها ونميها فيها
    يا ريت تكون فهمت وجة نظري
    قديم 11-06-2007, 12:00
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اقتباس:
    هل ازا كانت موضع شبهات لهدرجة ليه لتخارها المحجبة من البداية صديقة ما المكتوب مبين من عنوانه


    الانسان يا مس بلوو ممكن يسهو وينسى ويخطىء لكن الاهم انه يصلح الخطأ وما يعاود اليه
    واحيانا الدراسة بتلزم الشخص انه يصاحب شخص اخر
    اقتباس:
    عدم التزامهم من البيئة بلي بعيشو فيها
    انا معك بهدي
    منوووووووووورة على طول يا مس بلووو
    قديم 18-06-2007, 06:20
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    اممممممم

    موضوع خطير و مهم كتير و لازم الكل يطلع عليه انا برأيي ما في بعد الحجاب و الجلباب للفتاه المسلمه و بتوقع اننو الفتاه المسلمه بجد و بتخاف على حالها و على سمعتها ما بتمشي مع بنات الهم سمعه سيئه و ولا بتتشرف انها تمشي معهم او تصاحبهم بس طبعا الله امر بالامر باالمعروف و النهي عن المنكر و بتوقع انو من الممكن انو البنت المتحجبه انها تتقرب من وحده متبرجه ازا كان هدفها هو الاصلاح و نصحها و امرها بالمعروف و نهيها عن المنكر اما غير هيك لااااااا و طبعا في بنات متحجبات بس اخلاقهم زي الزفت و بحكوا مع الشباب و عادي عندهم هاي الشغله انهم يحكوا مع شباب و في بنات مش متحجبات و اخلافهم عاليه كتير و ما بحكوا مع شباب و يعنييي بتوقع انو ازا المتحجبه بدها تصاحب وحده متبرجه انها تصاحب النوع التاني اللي بكونوا اخلاقهم عاليه بسس....احكيلكم انتو مش حتفهموا اشي هيك بدي اوضح الموضوع اكتر انزلو لتحت..:









    البنات المتحجبات و بنقسموا لقسمين

    1. قسم ملتزم و اخلاقه عاليه و ما بحكوا مع شباب
    2. قسم بس بلبسوا عشان البيئه بتفرض عليهم و اخلاقهم زفت و بحكوا مع شباب

    و البنات المتبرجات و بنقسموا لقسمين كمان

    1. قسم اخلاقه زفت و بحكوا مع شباب و ولا الهم بالدين الاسلامي و هاي النسبه تقريبا 80%
    2. قسم اخلاقهم عاليه و ملتزمات بكل شي الا الحجاب و ما بحكوا مع شباب و هادول تقريبا 20%

    هلا ازا البنت المتحجبه من النوع الاول صاحبت بنت من المتبرجات من النوع الثاني تقريبا ما في عليها اشي و لازم يكون هدفها انها تصلحها اكتر و تخليها تلبس الحجاب و انها تأمرها بالمعروف لانه المتبرجات من القسم الثاني بكونوا أقرب للهدايه..

    و ازا البنت المتحجبه من النوع الاول صاحبت بنت متبرجه من النوع الاول هون في مشكله الا ازا كان هدفها الاصلاح و الامر بالمعروف و النهي عن المنكر بس عالاغلب بس عالاغلب البنت المتحجبه من النوع الاول ما بتصاحب هيك بنات لانه هيه هيك بتجيب الشبهه لحالها

    بس ازا البنت المتحجبه من النوع الثاني صاحبت متبرجه من النوع الثاني راح كانهم التنيتين واحد و حتى ممكن المتحجبه انها تخرب المتبرجه

    و ازا المتحجبه من النوع الثاني صاحبت متبرجه من النوع الاول فا هون راحت عليها البنت المتحجبه و راح تخرب اكتر و اكتر...

    الله يهدي بناتنا و بنات المسلمين




    يا رب تكونوا فهمتوا

    قديم 19-06-2007, 11:53
    المشاركة 2
    الصورة الرمزية cool stu
    cool stu
    .:: عضو برونزي ::.
    افتراضي
    والله ما انت قليل يا د . فنك
    هههههههههههه
    قديم 19-06-2007, 03:29
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    أشكرك اخي د. فنك على ابداء رايك
    بس سؤال ليش النسبة هدي
    وبصراحة البنات اعرف بنفسهم منا هما بيعرفوا شو جواتهن اكترمنا احنا الشباب



    مستر كووووووووووول منور
    قديم 19-06-2007, 03:51
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    انا بس حكيت رأيي

    قديم 19-06-2007, 04:03
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    تسلم يا دكتور
    اضافة رد

    مواقع النشر (المفضلة)

    الكلمات الدلالية (Tags)
    ملتزمة , متبرجة , الاخرى , صديقتان , واحدة

    أدوات الموضوع

    الساعة الآن 02:29.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة لملتقى طلاب فلسطين
    •  
    •  
    •  
    Powered by vBulletin® Version 3.8.8
    Copyright ©2000 - 2021, Jelsoft Enterprises Ltd.