نتائج التوجيهي 2021 فلسطين

الملتقى العام (ملتقى مالا ملتقى له) هذا القسم مخصص للمواضيع التي ليس لها قسم خاص في ملتقانا

~*¤ô§ô¤*~باركو لي.. زواجي الاسبوع القادم وعروستي من هالمنتدى الغالي~*¤ô§ô¤*~

الصورة الرمزية Eng Abu Yazen
Eng Abu Yazen
...::::: مشرف عام سابق :::::...
تاريخ الإنضمام: 012007
رقم العضوية : 246
الدولة : غزة هاشم
المشاركات: 16,489
قديم 06-05-2007, 11:00
المشاركة 1
نشاط Eng Abu Yazen
  • قوة السمعة : 652
    ~*¤ô§ô¤*~باركو لي.. زواجي الاسبوع القادم وعروستي من هالمنتدى الغالي~*¤ô§ô¤*~
    الاسبوع, الغالي¤ô§ô¤, القادم, زواجي, هالمنتدى, وعروستي, ¤ô§ô¤باركو

    باركوا لي ..زواجي الاسبوع القادم وعروستي من هالمنتدى الغالي



    أنا طالب جامعي تعرفت على فتاة عن طريق النت كانت العلاقة في بادئ الأمر


    علاقة احترام وتبادل معلومات إلى أن انقلبت اعجاب ثم إلى حب وغرام .


    الأهل رفضو فكرة الزواج منها بهذه العلاقة وأنا لا أستطيع


    الاٍبتعاد عنها وهي كذلك أخبرتني أنها سوف تنتحر إذا لم يتم الزواج بيننا واتفقنا


    على الزواج وايام بس وانتقل الى دنيا جديده ..مع الانسانه التى اخترتها وحبيتها


    باركولي لاتنسون مو تمرون ولاتردون . ../////

    //

    \\


    //

    \\



    \\



    //

    \\


    //

    \\
    //

    \\


    //

    \\


    لحظــــــــــــــــــــــــــــــــــــــه


    جميع ماذكرت بالأعلى مجرد قصه من خيــــــــآلي برؤيـــــــــــه واقعـــــــــيــه ...


    الحب عن طريق النت..حقيقه او مجرد تسليه ؟؟؟؟؟؟

    لو بالفعل حدث هذا الموقف هل تؤيد الزواج ؟؟أم ترفضه ؟؟

    ولماااااااااذا؟؟ ؟؟

    //

    \\


    اخوكم Abu Yazen
    قديم 06-05-2007, 12:40
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    مستخدمين موجودين حالياً يشاهدون الموضوع: 2 (2 أعضاء و0 ضيوف)
    abu yazen, أبو عدي


    منور ابو عدي :LolLolLolLol:
    قديم 06-05-2007, 01:37
    المشاركة 2
    الصورة الرمزية ابو صفيه
    عضوية مجمدة
    افتراضي
    والله يا ابو يزن انا لسه بالموقف هاد


    وانشالله راح اتزوج من الانسانه اللي تعرفت عليها

    ورأيي انو مش غلط وادعولي ربنا يوفقني


    مشكور على طرح الموضوع
    قديم 06-05-2007, 01:45
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اقتباس:
    ورأيي انو مش غلط وادعولي ربنا يوفقني
    موفق ان شاء الله
    اهلا وسهلا بيك ....نورت
    قديم 06-05-2007, 01:58
    المشاركة 2
    الصورة الرمزية palestine sun
    palestine sun
    .:: عضو نشيط ::.
    افتراضي
    ان شاء الله ربنا يوفقك اخي ابو صفية


    بس مثل ما رديت سابقا لازم تكون العلاقة جدية
    قديم 06-05-2007, 07:09
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اول شيء وعليكم السلام
    اهلا وسهلا بيكي اختي شمس فلسطين
    وتسلملي على مرورك الجميل وتفاعلك الحلو كتييييييييييييير معنا في الموضوع

    واسبدا الان بتحليل وجهة نظرك وسأضع رأيي فيها ان كنت موافق عليها او معارض


    اقتباس:
    الزواج عن طريق النت موضوع معقّد شوي
    على ا لنت ممكن تتعرف على الطرف الاخر بكل حرية وبدون خجل وتتطرح جميع تساؤلاتك بعكس التعرف وجها لوجه . وممكن اذا نشا الحب بينهم يصير في نصيب
    انا معك هنا بانه الموضوع معقد ولكن له حلول ووممكن ان يحدث
    والكلام اللي قلتيه صحيح وخاصة في قصة الخجل فتكون هنا المواجهة سهلة

    اقتباس:
    بسسسسسسسسسسسس
    يمكن الحكي على النت يأخذ مجرى ثاني ، فممكن يكون كل الخراريف اللي بحكيها احد الطرفين او الاتنين مع بعض ، كلها حكي فارط وكلها اكاذيب .
    اكيد في الكذابين وفي الصادقين برضه
    واحنا بنسمع قديش في ناس بيعملوا في بعض مقالب سواء كان بنت او شب
    وهدول ما بعرف شو بدي اقول فيهم غير الله يهديهم ويصلح حالهم


    اقتباس:
    انا مش ضد الزواج من هذا النوع بس يكون نهاية التعارف اما تسريح باحسان أو زواج
    عجبتني كتير هدي قصة تسريح باحسان
    بس التسريح باحسان عندك هل هو الاعتذار على عدم المقدرة على الارتباط او تطييب الخاطر وتقله احنا مش لبعض ويروح ينسحب او شو بالضبط

    اقتباس:
    لاني بصراحة مررت بهاي التجربة وكانت تجربة قاسية لانه في النهاية اكتشفت انه بلا اخلاق وكان لابس قناع انسان بس كان ذئب .بس الحمد لله انسحبت في الوقت المناسب
    الحمد لله على سلامتك واسئل الله ان يعوضك خيرا منه

    اقتباس:
    ارجو من الاعضاء التفاعل وطرح ارائهم حتى نستفيد من التجارب
    يا ريت من تمك لباب السما ..........يلا يا اعضاء ملتقانا فرجونا همتكم
    قديم 06-05-2007, 07:38
    المشاركة 2
    الصورة الرمزية فراشة القمر
    فراشة القمر
    ...:::: عضو ذهبي ::::...
    افتراضي
    الحب عن طريق النت..حقيقه او مجرد تسليه ؟؟؟؟؟؟

    اكييييييييييييييييييييد تسلية الا اذا كنت عارف مع مين الواحد بحكى

    مش مع شخص فى حياتى ما شفته
    لو بالفعل حدث هذا الموقف هل تؤيد الزواج ؟؟أم ترفضه ؟؟

    ان شاء الله عمره ما بسير
    اكييييييييييييييد الرفض
    بما انه استجراء وحكى معى بسهولة ممكن يحكى مع اى وحدة

    وجهة نظر
    وبحترم كل واحد على النت او براه
    وفى النهاية بيرجع الشخص وتربيته
    قديم 06-05-2007, 07:49
    المشاركة 2
    الصورة الرمزية د. حسين رومي
    د. حسين رومي
    مشرف ملتقى طب الاسنان
    افتراضي
    يا أخوان في كل الاحوال

    لا بديل عن اللقاء والحديث وجها لوجهه

    فحتى تتعرف إلى الطرف الآخر أكثر، لا بد من رؤيته، ورؤية من يصاحب

    ورؤية كيف يتصرف في امور الحياة، والمشاكل التي تواجهه، كيف ينظر إلى الأمور وكيف يفكر فيها

    لابد من اللقاء والحديث وجها لوجه
    قديم 06-05-2007, 08:32
    المشاركة 2
    الصورة الرمزية abukhadega
    abukhadega
    .:: عضو نشيط ::.
    افتراضي
    البيوت تاتى من ابوابها
    وفي الحديث انه على الرجل ان يرى من يريدها لنفسه زوجة " فانه أجدر أن يؤدم بينكما" او كما قال عليه السلام
    وانا من وجهة نظري انه لا تكون في الغالبية العظمى الا مجرد تسلية
    ولكن الاعجاب بشخص وطريقة تفكيره شيء وعقد النية على الزواج امر اخر
    عشان هيك انا لا اؤيد هذه الفكرة
    وفي الاخير انما الاعمال بالنيات ولكل امرء ما نوى
    والله يتم ع الجميع ويستر على نساء المسلمين
    اللهم امين
    قديم 06-05-2007, 08:38
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    بشكرك خيي ابو يزن على طرح هذا الموضوع المهم للنقاش


    الحب عن طريق النت..حقيقه او مجرد تسليه ؟؟؟؟؟؟

    اولا وقبل مناقشة هذا السؤال

    رح احكي ...أنو انا من أشد المعارضين اللي ببنو علاقتهم بالنت

    طبعا كل الاحترام لالك أخي أبو صفية


    خلينا هلا نبدا بالموضوع مرحلة مرحلة :

    اول شي بداية الحديث على النت ....طبعا حتكون بداية عبارة عن أفكار واراء شخصية وطرح مواضيع لنقاش ......الخ .......هلا كل هادا الحديث .....حيكون رهين احتمالين :

    1- الصدق في كل شي بالاراء والمعتقدات ......وهادي بداية طيبة للموضوع .
    2- احتمال انو واحد منهن كزاب وتاني صادق ........فمن قبل ما تبدا رح تكون العلاقة فاشلة .......لانو في واحد عم يتسلى وفي واحد عم يحكي جد
    3- الكزب ...أنو يكونو التنين كزابين ....فهادي الحالة ....ما في احد من الطرفين رح ينصدم لانو الكزاب بتوقع دائما وابدا انو اللي بحكي معو عم يكوب عليه ........فهادي الحالة انا رح احكي الله لا يردهم هنا التنين ...

    خلينا نكمل قصتنا ............طبعا احنا استثنينا الاحتمال التالت لانو منتهي ؟؟؟

    نرجع للاحتمال الاول :
    هلا التنين كتيييييير متفقين وما شاء الله عليهم وكل واحد بدا اعجابو بالتاني وبصير يحاول يكتشف كل جديد بشخصية التاني ....يعني بصير متل الباحث عن الحقيقة ..........فكل واحد فيهن رح يرسم لتاني صورة بمخيلته .....طبعا انا هادا شايلة احتمال انو يكونو بعتو صورهن لبعض ....لانو ما بني على خطأ فهو خطأ ......لانو الشب يبعت صورتو مش مشكلة كبيرة عندي ....اما ازا الصبية بعتت صورتها ....فأنا رح احكي السلام على هيك علاقة ............لانو الشي ازا ابتدا بالغلط وبشي حرام رح ينتهي نهاية وخيمة .......اما ازا ما بعتت صورتها الصبية فراح يكون شي تاني واللي هو ................زيادة تعلقهم ببعض بصورة مو طبيعية ....والحب اللي بيناتهم رح يكون عبارة عن ارتباط عقلي وروحي وفكري ........وهادا نادرا ليحصل بنظري ...ما بعرف انا هيك رايي .....هلا نفرض انو كان كل شي بيناتهن تمام ...الخ .....بدو يروح يخطبها ...........اوك ......اول سؤال رح يسألو والدها .....منين عرفتها ؟؟؟ازا احكالو على النت وهادا مستحيل ....رح يقطع خبرو والدها ......وازا كزب عليه رح يكون شخص غير موثوق فيه ......صح ولا لاء ..؟؟؟؟احكيلكم نفرض جدلا انو صارت الخطبة والعرس وتزوجو ........انا متأكدو من انو الزوج رح يبقى يعاير زوجتو طول الوقت انو انا عرفتك عن طريق النت ......الخ وهادي رح تفتح مشاكل الها اول ما الها اخر ............احكيلكم شي تاني .......بدي افرض كمان انو ما صار بيناتهن مشاكل ....وجابو ولاد.......ما تفنعوني انو الولاد ما بسالو بابا انت منين بتعرف ماما ..........ازا كزبو عليهم ....فهما اخفو هادي الحقيقة لانهم من قناعة نفسهم انهم غلطانين .............وازا احكولهم هن طريق النت .............رح يفتحو ابواب الشيطان على ولادهم ............يعني ازا بالاحتمال الاول وهو الصدق من قبل الطرفين هيك صار ......ِشو ازا كان احداهم كزاب ......؟؟

    يلا نشوف الاحتمال التاني وهو ازا واحد منهم كزاب والتاني صادق ....هادا الاحتمال رح ياخد مجريين :
    1- ازا الصبية صادقة والشب كزاب .......فهادا مية بالمية رح الصبية تنفضح ......وتتشوه سمعتها طبعا ازا كان عطايلي الشب على الاخر والصبية صادقة على االاخر ........وكمان شي أكيد رح تدمر الصبية نفسيا ما في مجال لهادا الحكي ..........فليه الصبية تجيب لحالها وجع هالراس كلو ؟؟؟

    2- ازا الشب صادق والصبية كزابة ..........فانا بحكيلكم من هلا انو الشب رح ياكل هوا ......لانو شو رح يكون موقفو بس يعرف انها بتضحك عليه ............حسب درجة حبو الها وتعلقو فيها رح يكون تصرفو ............قاما رح ينتقم منها شر انتقام ...............واما رح ينزوي ويتحطم للابد .............زواما رح يتعقد من كل شي اسمو صبية .........واما رح يهدم مستقبلو كان اكاديمي ولا مهني ولا اجتماعي .......واما رح يبقى يبحها ويبقى مكسور الخاطر على طووووووووووووول


    قبالله عليكم لليه وجع هالراس كلو .....


    مجمل الحديث كلو رح الخصو بهادي الجملة :

    ( عندما يتكلم الانسان ....فان لحديثه وقع أكبر لمستمعه اذا كان وجه لوجه ......ويخف التأثير اذا كان سماعيا فقط .....ويخف أكثر اذا كان كلمات منقوشة )



    وانا شخصيا عن نفسي ......مستحيل احكي اسمي على المسنجر لاي حد......الا ازا طلعت بعرف هادا الشخص ....كان شب ولا الصبية ..............بالنسبة لالي الحرص في هادي الامور لازم يكون كبييييييييير



    متاسفة كتير كتير كتير ......لاني أطلت عليكم ....بس هادا الموضوع بدو مجلدات لنخلص نقاش فيه
    قديم 06-05-2007, 08:39
    المشاركة 2
    الصورة الرمزية اوس البرغوثي
    عضوية مجمدة
    افتراضي
    لا تعليق ما بعرف شو احكيلك

    هههههه\
    قديم 06-05-2007, 08:40
    المشاركة 2
    الصورة الرمزية اوس البرغوثي
    عضوية مجمدة
    افتراضي
    حبه حبه علينا يا نجمه
    قديم 06-05-2007, 09:32
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    ههههههههههههههه:LolLolLolLol:

    طيب احكيلي يا اوس شو رايك ؟؟؟
    قديم 06-05-2007, 09:44
    المشاركة 2
    الصورة الرمزية 3loosh
    3loosh
    مشرف سابق
    افتراضي
    اقتباس:
    الحب عن طريق النت..حقيقه او مجرد تسليه ؟؟؟؟؟؟

    لو بالفعل حدث هذا الموقف هل تؤيد الزواج ؟؟أم ترفضه ؟؟

    ولماااااااااذا؟؟ ؟؟
    اول شي موضوع جميل جدا وبستاهل انو الواحد يحكي فيه

    المشكلة انو انتا ما بتأدر تحكم على الوضع اذا كان تسلية او لاء بس انا بشوف انو الواحد اذا كان عاقل في

    العلاقة وما صار يحلم بالحب من اولها وكان متروي بالعلاقة فانا ما بشوف انو هناك مشكلة بس اهم شي

    انو ما يخلوا علاقتهم مقتصرة على النت.

    انا بشوف انو الواحد اذا كان بآمن بشي لازم يثبتوا ....

    .........مشكور على الموضوع مرة اخرى
    قديم 06-05-2007, 11:11
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    بشكر الجميع على التفاعل
    قديم 06-05-2007, 11:20
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    العفو

    بس ما احكتلنا شو رايك انت ؟؟
    قديم 06-05-2007, 11:52
    المشاركة 2
    الصورة الرمزية Eng-lian
    Eng-lian
    ضيف
    افتراضي
    يخرب عئلك يا ابو يزن والله صدئت الموضوع اناااااااا وبلشت افكر مين هيي البنت
    بس فعلا هو موضوع حلو كتير
    انا من جهتي انه في كتير ناس ممكن يتوفئو ويتزوجو بهالطريئة وفي كتير ناس ما بحبو مجرد انهم يغامرو بهيك مغامرة
    انا من جهتي وعن نفسي بعتبره كله هبل وتفاهة وانه ما في شي واقعي يعني
    هلأ شب بيحكي مع بنت عادية ومو حلوة اكيد بيعجب وبحبها ولما بشوفها بينجلط
    لكن اذا كانت البنت حلوة حلوة اكيد بتمسك فيها بايديه وسنانه كمان متل ما بؤلو
    والبنت نفس الشي
    تحياتي الك ابو يزن:LolLolLolLol:
    بس لا تعيدها هالحركة
    قديم 07-05-2007, 12:11
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اقتباس:
    تحياتي الك ابو يزن
    بس لا تعيدها هالحركة

    انتم لسه شفتم حاجة
    انتظروا القادم
    بالنسبة لرأيي يا نجمة بصراحة مش هقدر احطوه هلأ لانه افكاري ملخبطة الحين وردك كان الصراحة علمني حجات كانت مش على بالي وناسيها
    عن جد ردك قرطين ينحطوا في الأذن يسلمووووووووووووو ايديكي
    ما بعرف متى هتمكن من اني ههحط رأيي بكرة او بعده بس انا عن جد مشغول بالامتحانات وبسرق من وقت الدراسة شوية وقت لاطل عليكم

    حابب اجاوب اهختنا شمس فلسطين على هل السؤال
    اقتباس:
    هل في طرق تانية صحيحة حتى تتعرف الفتاة على الشاب أو بالعكس غير التعرف التقليدي(يعني غير انهم يتعرفوا على بعض لمن يجي الشاب يطلب البنت).
    شو رأيك لو انه الشب يضرب بنت كف ويجي يتاسف لالها ولاهلها ويخطبها بينفع ولا لا :1019:

    اقتباس:
    سؤال تاني لو فرضنا انه انت اعجبت بشخص على النت شو بتعمل وكان الاعجاب من كلا الطرفين ، أنا بدي حلول عملية لهذه المشكلة لو افترضنا ايضا انها مشكلة اصلا ؟؟؟؟؟؟؟
    بسئل الشباب والصبايا اللي في المنتدى :LolLolLolLol:
    وبصلي صلاة الاستخارة
    قديم 07-05-2007, 03:14
    المشاركة 2
    الصورة الرمزية S M S
    S M S
    مشرف سابق
    افتراضي
    اقتباس:
    الحب عن طريق النت..حقيقه او مجرد تسليه ؟؟؟؟؟؟

    والله حقيقة وكل شي ممكن اذا كان عنصر الجد من الطرفين موجود
    قديم 07-05-2007, 05:09
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    بشكرك على الاطراء ابو يزن

    وان شاء الله موفق بدراستك ياااااااااااااااااااارب
    قديم 07-05-2007, 05:27
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    بالنسبة لاسئلتك يا شمس ؟؟


    هل في طرق تانية صحيحة حتى تتعرف الفتاة على الشاب أو بالعكس غير التعرف التقليدي(يعني غير انهم يتعرفوا على بعض لمن يجي الشاب يطلب البنت).

    اولا يا عزيزتي شغلة التعارف هادي ما لازم نخليها كتير تشغل تفكيرنا .....وبالنسبة لالي الشي هادي الاشيا بتجي طبيبعية .....يعني من خلال تعاملاتك بالحياه ......اما انو انا اسعى على طرق .......هادا الشي مستحيل عندي ومو وارد بخياراتي اصلا


    فرضنا انه انت اعجبت بشخص على النت شو بتعمل وكان الاعجاب من كلا الطرفين ، أنا بدي حلول عملية لهذه المشكلة لو افترضنا ايضا انها مشكلة اصلا ؟؟؟؟؟؟

    والله يا عزيزتي ....انو بقدر يفيدك اللي مجرب هادا الشي...وونا ما بقدر افيدك

    فانا هلا حديكي بعض حلول ....بتوقع انها تكون منطقية
    1- اولا بدك تتاكدي من هادا الاعجاب ......ممكن انو يكون اعجاب فقط بالافكار والمبادئ بس .....وممكن انو ازا اتعرفو على بعض ما يعجبو بعض كأشكال ....هادا اجتمال وارد .....فيعني رح تكون صدمة

    2- بدي افرض احسن الاحتمالات ...انو كتير اتفقو وحبو بعض واجا اتقدملها ...واهلها رفضو .....ومهما هو حاول وهي حاولت لكن تقابلو برفض ....شو رح تعملو .....

    فيا حبيبة قلبي انا اللي راي ومسيطر عليي كمان .......أنو هو غلط وستين غلط كمان .....وبصراحة انا اجا على بالي سؤال ...بدي اسالو للي بحبو يتعرفو على النت .....طبعا ( بقصد كشب يتعرف على صبية ) .....انو ليه بتتجهو نحو هادا النطاق ....يعني بنظري اللي بتجه على هيك طريقة ....بتوقع انو كتييييييييير عندو نقص حنان ونقص ثقة بالنفس واحتمال كمان وقت فراغ كبير ومو عارف يشغلو هادا الوقت ....ما بعرف بشعر انو حياتو محصورة وهو او هي ...عم يحصر حالو بعالم ديق على الاخر ....مع انو بحكولك النت بفتحك على العالم ......[س انا بنظري كمان هو بحصرك بأشياء بدون ما تشعري


    والله ما بعرف كتير في اشيا براسي ....وترتيبها كتييييييييييييير صعب

    بس كل افكاري انا بتنطلق انو هادا المبدأ خطأ

    اعزوروني على ما بدر مني

    تحياتي
    قديم 07-05-2007, 07:04
    المشاركة 2
    الصورة الرمزية زهرة الربيع
    زهرة الربيع
    .:: عضو ::.
    افتراضي
    نوعا ما الآرآء متقاربة والتحليل منطقي وواقعي لاختي النجمة بعيدا عن الخيال والاحلام
    يعني احيانا بيكون هناك شيء جميل وعندما يصطدم بارض الواقع بيكون صدمة لغيره

    المشكلة في النت المصداقية غير متوفرة تماما
    وكما تفضل البعض كل واحد بيرسم صورة لشخص من خلال كتاباته وغالبا هالكتابات بتكون منقولة

    انا شخصيا ما مريت بتجربة من هالنوع بس مريت بتجربة مع ناس كذبوا
    عني بينزلوا كلام وخواطر وقصائد على انها من تاليفهم وبالنهاية حتى التعقيب بيكون منسوخ يعني شخصية منسوخة من الاساس

    والعلاقات لاتبنى على التخيل او على الكذب
    يجب ان تكون واضحة امام عين الاهل حتى يجري الانسان وراء عواطف وهو يعلم انه يمشي وراء سراب ولكنه غير قادر على التحكم بقلبه
    وشكرا الموضوع معقد اكثر يتوقع وبه سلبيات كثيرة جدا ولكل قاعدة شواذ

    وللعلم لكي اثبت مصداقية كلامي انا لست طالبة معكم هنا ولست مقيمة بفلسطين من الاساس

    ولست حتى بأعماركم ورغم ان من يقرأ مواضيعي يعتقد انني في الثانوية وهذا يدل على ان الكلام او الكتابة لاتستطيع ان تتزوج عن طريقها



    وشكرا لكم
    قديم 07-05-2007, 07:14
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    اقتباس:
    المشاركة الأصلية كتبت بواسطة زهرة الربيع
    نوعا ما الآرآء متقاربة والتحليل منطقي وواقعي لاختي النجمة بعيدا عن الخيال والاحلام
    من دواعي سروري عزيزتي زهرة الربيع ان تكون اراءنا متقاربة
    قديم 08-05-2007, 09:57
    المشاركة 2
    الصورة الرمزية ibrahem
    ibrahem
    .:: عضو جديد ::.
    افتراضي
    السسلام عليكم

    موضوووع جميل تشكر عليه ابو يزن

    وانا بشوف انو الواحد ممكن يحب عن طريق النت لكن لازم يتعرف عليه وجه لوجه كمان لأنو ممكن يكون غير اللي كان يتوقعو
    واذا كان التعرف وجه لوجه ايجابي فالله يوووووفقهم
    قديم 08-05-2007, 06:40
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اقتباس:
    موضوووع جميل تشكر عليه ابو يزن
    هلا بيك حبيبي منور
    شكلك داخل حميان اول مشاركة الك عندي بالموضوع
    قديم 08-05-2007, 08:49
    المشاركة 2
    الصورة الرمزية NaHfOot
    NaHfOot
    مشرف سابق
    افتراضي
    السلام عليكم و رحمة الله و بركاته اخواني و اخواتي في الله
    بعد اذن الجميع الكل
    كل شخص فينا الا ما يمر في موقف او موضوع
    انا بدي اعلق على رأيي الكل اللي هون
    لأني انسان بمر بتجربة عميقة و ما بعرف لوين واصل المهم

    ابو يزن


    الحب عن طريق النت..حقيقه او مجرد تسليه ؟؟؟؟؟؟
    الحب .كان زمان ما في لا انترنت ولا غيره الوقت اللي نحنا بنعيش في بيعمل من التسلية جد و من الجد تسلية
    حب بحكيلك اكيد موجود و بآمن في و لكن عن طريق الانترنت
    اصابع ايدك مش وحدة في الانسان العاطل و في المنيح
    هون ما بتقدر بصراحة تكون دقيق بالاجابة الا اذا كنت تعرف الشخص اللي بتحكي معو
    او انو تعرفت عليه على الانترنت و تقابلتو و فهمت الانسان عن قرب

    لو بالفعل حدث هذا الموقف هل تؤيد الزواج ؟؟أم ترفضه ؟؟
    اذا كان في حب صادق ليش لأ اكيد بوافق مش غلط على شرط انو يكون الطرفين فاهم التاني من
    كل الامور اللي في
    يعني يكون التنين قاعدين مع بعض و فاهمين كل واحد وجهة نظر الواحد للتاني



    ولماااااااااذا؟؟ ؟؟

    ليش , لأنو و ببساطة تعددت الطرق و السبب واحد





    ابو صفية
    موفق و ان شاء الله يجيب اللي في الخير يا رب
    مبروك سلفا




    شمس فلسطين
    اعجبني ردك بصراحة كان الرد الامثل بين جميع الردود
    انا باخد من رأيك و بقول انو الواحد مرات بيخجل يحكي من وجه لوجه
    و الانترنت وسيلة جيدة انو تنطرح مواضيع و يصير في تفاهم اكثر
    بس فش شغلة
    لو كان نصيب متل ما حكيتي و تزوجو
    اكيد مش رح ينزل على النت و يحكي معها في الموضوع اللي بدو يحكي في
    يعني ما ياخد الواحد كل شيء على النت لازم يتعلم الواحد كيف يتصرف
    و يكون بوجه المواقف و المصاعب اللي بتواجهه

    و بدعي الله يوفقك و ان شاء الله ما بتمري بتجربة تكون متل السابقة
    و الحمد لله على كل شيء
    الله ما بينسى حدا






    طالبة العلم

    اكييييييييييد تسلية ؟؟؟
    شو بيعرف الواحد وين هو نصيبو بالدنيا
    يمكن من البنت اللي تعرف عليها من النت
    و يمكن لأ

    ليش مجرد تسلية
    بدي اسألك مريتي بتجربة من النوع هاد شي ؟؟


    "اكييييييييييييييد الرفض
    بما انه استجراء وحكى معى بسهولة ممكن يحكى مع اى وحدة"

    بدي احكيلك شغلة و احترمي رأي و بدون زعل
    لازم الانسان يكون واعي اكتر من هيك
    بحيث انو ينظر للشغلة بجميع مزاياها
    و كمان ما يقتصر العمل على فئة معينة من الناس
    اتطلعي لبعيد و شوفي حياتك مش كل انسان بتحكي معو متل التاني
    و شكرا





    the-dentist

    تحياتي الك
    و كل كلامك صح
    لا تعليق



    abukhadega
    البيوت تأتي من ابوابها صحيح و انا معك
    و انا كمان ما حكيت انو يتزوجو عن طريق الانترنت
    لا بد انو كل واحد يلتقي و يحكي مع الشخص التاني و يفهم طبيعتو
    الله يوفق الجميع





    النجمة الحائرة
    "......لانو الشب يبعت صورتو مش مشكلة كبيرة عندي ....اما ازا الصبية بعتت صورتها ....فأنا رح احكي السلام على هيك علاقة "
    ليش يعني
    اذا الشب بعت صورته مش غلط اما اذا البنت بعتت صورتها حرام يعني
    شو الفرق اذا كان الك منهم بيثق بالتاني و كمان ليش لأ اذا كان كل واحد منهم بدو يبني علاقة

    كيف بتحكي يبنو علاقة
    و ما بدك يشوفو بعض
    انا مش الاشخاص بهتم بالجمال
    افرضي كان مع بعض و توفقو و خلص و بالاخر طلعت مش حلوة البنت او ما عجبو الشب هيك

    اعطيني جواب شو يعمل بعد فترة مش قليلة ؟؟


    "انا متأكدة من انو الزوج رح يبقى يعاير زوجتو طول الوقت انو انا عرفتك عن طريق النت ......الخ وهادي رح تفتح مشاكل الها اول ما الها اخر ............احكيلكم شي تاني .......بدي افرض كمان انو ما صار بيناتهن مشاكل ....وجابو ولاد.......ما تفنعوني انو الولاد ما بسالو بابا انت منين بتعرف ماما ..........ازا كزبو عليهم ....فهما اخفو هادي الحقيقة لانهم من قناعة نفسهم انهم غلطانين .............وازا احكولهم هن طريق النت .............رح يفتحو ابواب الشيطان على ولادهم ............يعني ازا بالاحتمال الاول وهو الصدق من قبل الطرفين هيك صار ......ِشو ازا كان احداهم كزاب ......؟؟"

    الزوج بدو يعاير زوجتو طول الوقت و متأكدة كمان ؟؟
    ليش يا عمي
    انا بعترض على هيك

    انتي شو حكيتي
    "هلا نفرض انو كان كل شي بيناتهن تمام"
    كل شيء تمام يعني هم التنين حبو بعض و كل واحد منهم حب التاني و حب تصرفاتو
    تيجي تحكي يعايرها و متأكدة
    ؟؟
    بصراحة مش فاهم و جهة نظرك كيف بتفكري

    "بدي افرض كمان انو ما صار بيناتهن مشاكل ....وجابو ولاد.......ما تفنعوني انو الولاد ما بسالو بابا انت منين بتعرف ماما ..........ازا كزبو عليهم ....فهما اخفو هادي الحقيقة لانهم من قناعة نفسهم انهم غلطانين .............وازا احكولهم هن طريق النت .............رح يفتحو ابواب الشيطان على ولادهم"
    كيف رح بفتحو عليهم ابواب الشياطين
    مش كل واحد فيهم متفاهم متل ما قلتي
    ليش بدو يدمر عائلتو عن طريقة زواجو بالمرأة اللي حبها
    مش كل انسان هيك
    في مشاكل و في امور بتصير
    و شو يعني لو عرفو الاولاد انو تعرفو عن طريق النت شو يعني
    اذا كان الاب و الام بفهمو ولادهم
    انو يكون كل شيء الو حدود
    و كل شيء الو حرية صح
    بس في حرية بتختلف و بتختل لما نتعدى على حرية الناس اللي حولينا


    شغلة تانية
    البنت بدها تتشوه سمعتها و تنفضح و الشب بس بدو ياكل هوا
    ليش يا عمي
    الشب بحب و الصبية بتحب
    صحيح المرأة عاطفية اكتر و الرجل اكتر صلابة
    بس يا عمي الشب كمان الو شرف و سمعة
    كتيير بنسمع بالمساواة بين الرجل و المرأة و الكل بطالب فيها بالوقت الحاضر
    لدرجة لما صار للمرأة الحرية اكتر من الرجل



    الخاتمة بتضل هادي وجهة نظر و ما بنقدر نوقف عندها
    و شكرا






    علووش
    كلامك صحيح مية بالمية
    و انا معك بكل كلمة و سبق و حكيتها
    مشكور يا مان





    اقتباس:
    هل في طرق تانية صحيحة حتى تتعرف الفتاة على الشاب أو بالعكس غير التعرف التقليدي(يعني غير انهم يتعرفوا على بعض لمن يجي الشاب يطلب البنت).


    سؤال تاني لو فرضنا انه انت اعجبت بشخص على النت شو بتعمل وكان الاعجاب من كلا الطرفين ، أنا بدي حلول عملية لهذه المشكلة لو افترضنا ايضا انها مشكلة اصلا ؟؟؟؟؟؟؟
    في طرق تانية اكيد و الاغلب بتيجي عن طريق الصدف
    او انو مع يعني الدراسة سوى
    او الشغل
    او يعني متل انو نادي او هيك نشاط

    حسب طبيعة الشخص و تصرفاته

    السؤال التاني
    اول شي بحاول اشوف هاد الشخص اكتر من مرة و اسأل عنو اشخاص بتعامل معهم
    انو يعني بحاول اعرف شو كل مزاياه
    و تاني شي بعملو انو بحطو قدام الامر الوقاع
    يعني بحكيلو انو انا غرطي من هيك الزواج و هيك هيك
    عشان نعرف اذا هو بس هيك ولا عنجد بيحكي و قد المسؤولية

    غير هيك انو لو كان التنين مفكرين بالزواج
    على الشب انو يتقدم و يحاول انو يعمل مبادرة يتقرب فيها من البنت
    يعني انو يطلبها و هيك بكون الكل بالسليم

    و انا بهاد الموضوع ببوافق كلام النجمة الحائرة بالسؤوال التاني
    و زهرة الربيع


    و شكرا يا مان على الموضوع فعلا موضوع
    مثير للنقاش
    و ان شاء الله الكي يتفاعل معنا

    و شكرا للجميع و بتمنى ما حدا يكون زعل مني
    و الله يوفق الجميع
    و ان شاء الله ما بتشوفو شر ابدا
    شكرا للجميع


    قديم 08-05-2007, 09:21
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    النجمة الحائرة
    "......لانو الشب يبعت صورتو مش مشكلة كبيرة عندي ....اما ازا الصبية بعتت صورتها ....فأنا رح احكي السلام على هيك علاقة "
    ليش يعني
    اذا الشب بعت صورته مش غلط اما اذا البنت بعتت صورتها حرام يعني
    شو الفرق اذا كان الك منهم بيثق بالتاني و كمان ليش لأ اذا كان كل واحد منهم بدو يبني علاقة


    لانو الشب عمرو ما دقق عليه بشكل الكبير اللي بتدقق عليه الصبية هادا واحد ...وهاادا واقعنا وما بنقدر ننكرو




    كيف بتحكي يبنو علاقة
    و ما بدك يشوفو بعض
    انا مش الاشخاص بهتم بالجمال
    افرضي كان مع بعض و توفقو و خلص و بالاخر طلعت مش حلوة البنت او ما عجبو الشب هيك

    اعطيني جواب شو يعمل بعد فترة مش قليلة ؟؟


    والله يا سيدي العزيز ....انا اسلفت بالقول ....انه ما بني على خطأ فهو خطأ ........والمبدأ كلو خطأ .......الصبية ما بصير تبعت صورتها لاي حدا كان
    بدي اسالك سؤال ...وما بقصد في اي نوع من التجريح او اي نوع من الاهانة بس مجرد سؤال .......بترضى لاختك تبعت صورها لشب ......متاسفة ما قصدي شي .....بس خلينا نحكي بواقعية الواحد بالشي اللي ما برضاه على عرضو .....ما يرضاه على عرض الناس .....صح ولا انا غلطانة يا نهفوت ؟؟




    الزوج بدو يعاير زوجتو طول الوقت و متأكدة كمان ؟؟
    ليش يا عمي
    انا بعترض على هيك
    انتي شو حكيتي
    "هلا نفرض انو كان كل شي بيناتهن تمام"
    كل شيء تمام يعني هم التنين حبو بعض و كل واحد منهم حب التاني و حب تصرفاتو
    تيجي تحكي يعايرها و متأكدة
    ؟؟
    بصراحة مش فاهم و جهة نظرك كيف بتفكري؟؟؟

    يا سيدي العزيز النفس البشرية ببتغير ....يوم عن يوم النظرات بتتغير .....ومهما كانو متفقين مية بالمية ....ألا يجي وقت ان صار بيناتهم نصيب انو ما رح ينسالها اياها انو عرفها على النت .......نهفوت يا خيي انا بطرح وجهة نظري للفكرة من خلال الواقع اللي حنا عايشين فيه ......ومستحيل ابني وجهة نظر على انو الناس مثاليين






    "بدي افرض كمان انو ما صار بيناتهن مشاكل ....وجابو ولاد.......ما تفنعوني انو الولاد ما بسالو بابا انت منين بتعرف ماما ..........ازا كزبو عليهم ....فهما اخفو هادي الحقيقة لانهم من قناعة نفسهم انهم غلطانين .............وازا احكولهم هن طريق النت .............رح يفتحو ابواب الشيطان على ولادهم"
    كيف رح بفتحو عليهم ابواب الشياطين
    مش كل واحد فيهم متفاهم متل ما قلتي
    ليش بدو يدمر عائلتو عن طريقة زواجو بالمرأة اللي حبها
    مش كل انسان هيك
    في مشاكل و في امور بتصير
    و شو يعني لو عرفو الاولاد انو تعرفو عن طريق النت شو يعني
    اذا كان الاب و الام بفهمو ولادهم
    انو يكون كل شيء الو حدود
    و كل شيء الو حرية صح
    بس في حرية بتختلف و بتختل لما نتعدى على حرية الناس اللي حولينا



    يا خيي بالنسبة لهادا الموضوع .....أنت بتعتبر ازا الاولاد عرفو هادي الطريقة عادي ......وازا هنا الاهل فهموهم الشي بحدود ....ألخ من حديثك .......بس يا نهفوت ما تنسى انو الدنيا بتتطور .....يعني ازا الاهل فتحو ولادهم على شي هيك من صغرهم .....والله الله العليم شو بصير ليكبرو .......ودير بالك كل جيل بيجي اقوى من الجيل اللي قبلو.......ومهما كان الجو العائلي في قمة الروعة ......الاانو مغريات العصر بتأثر اللي بتزيد يوم عن يوم .........]عني يا نهفوت نطلع على واقعنا ونحكم ......لأيه عم نحكي على هيك قضايا بمنظور صغير .....فهمني ..؟؟؟؟


    شغلة تانية
    البنت بدها تتشوه سمعتها و تنفضح و الشب بس بدو ياكل هوا
    ليش يا عمي
    الشب بحب و الصبية بتحب
    صحيح المرأة عاطفية اكتر و الرجل اكتر صلابة
    بس يا عمي الشب كمان الو شرف و سمعة
    كتيير بنسمع بالمساواة بين الرجل و المرأة و الكل بطالب فيها بالوقت الحاضر
    لدرجة لما صار للمرأة الحرية اكتر من الرجل


    والله يا نهفوت انو صح كترت الشعارات والمطالبة بحقوق المرأة .......الخ

    بس ما تنسى انو احنا بمجتمع شرقي ...........وشو ما توصل المطالبة بحريات المرأة ......الا تبقى انو سمعة البنت هيي اللي دايما مترصدينها العالم .........وازا على سمعة الشي يا نهفوت والله مو مهتمين كتيير العالم فيها واحكيلك بصراحة ........كتير بنسمع ازا شب وبنت غلطو .......ببدو غلط على الصبية وفي الاخر الشب بضل شب .....وطيش شباب وما بعرف شو ........وهادا الحكي ما سمعتو من حد ولا تنين ....كتير ناس وكتير فئات صغار وكبار ........يعني يا خيي يا نهفوت الله يرضى عليك ......لما نحكم على هيك مواضيع لازم ننظر بنظرة شاملة على كل الموضوع من خلال العوامل والمؤثرات والاطراف والبيئة كمان اللي هنا عايشين فيها صح ولا لاء ؟؟؟؟؟؟


    بعيدا عن كل هذا الجدل خلينا نتوقع قصة ممكن تصير .........هلا قريب لالك فرضا عندو بنت ....هلا هادي البنت حبتواحد من هالشباب ...وبكون الشب ابن صاحبو لقريبك ....اوك .......مرة قريبك بروح عند صاحبو هادا .....وبعتازو يقعدو على الكمبيوتر .....ابنو هداك مو موجود بالبيت .....وهنا بكعكشو بهالكمبيوتر الا تطلع صورة بنتو .............أحكيلي شو رح يكون موقف قريبك الافتراضي



    وشي أكيد بالاخير بتبقى لكل واحد وجة نظرو الخاصة وكل الاحترام للجميع ..........بس مو غلط انو الواحد يدافع عن وجهة نظرو



    اعزرني على ما بدر مني





    قديم 08-05-2007, 09:31
    المشاركة 2
    الصورة الرمزية الدمعة الحزينة
    الدمعة الحزينة
    .:: عضو مميز ::.
    افتراضي

    رائي ...........

    عادي مثل اي تعارف كان تعارف على الطبيعة ولا على النت كلو واحد وكلو مثل بعضو وكلو بايدي يلي مطلوب منو


    وانا بدكو الصراحة عادي بفضل زي هيك تعارف وبمثل هيك طرق
    قديم 08-05-2007, 09:39
    المشاركة 2
    الصورة الرمزية NaHfOot
    NaHfOot
    مشرف سابق
    افتراضي
    شكرا لأنك رديتي علي
    اول عن اخر بتضل وجهة نظر متل ما قلتي و مش غلط ندافع عنها
    و كلنا هون بالدنيا طلاب و بنتعلم و بنستفيد


    اقتباس:
    .....بس خلينا نحكي بواقعية الواحد بالشي اللي ما برضاه على عرضو .....ما يرضاه على عرض الناس .....صح ولا انا غلطانة يا نهفوت ؟؟
    صحييح كلامك
    كتير مواقف بتذكر فيها انو عندي خوات و ما بعمل اشياء غلط او اشياء
    بتحطني بموقف خطأ
    بس مش الكل هيك
    في ناس و ناس

    في ناس بيهتمو ببنات الناس متل خواتهم و ناس تانيين ولا سائلين

    مش غلط ننظر للعالم كلهم انهم مش منحين
    بس الغلط انو ننسى انو بضل في ناس طيبين

    انا هادي كانت وجهة نظري
    و ان شاء الله بيكون في تفاهم


    و مش ضروري الاسف
    احنا هون بنتناقش و بنحكي و بنتعلم من بعض
    و الرأي الاصح هو الرائد

    و شكرا
    قديم 08-05-2007, 09:46
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    بشكرك اخي نهفوت ....على هذا النقاش

    أسعدت بهذا الحوار الراقي
    قديم 09-05-2007, 10:35
    المشاركة 2
    الصورة الرمزية iyad_imh
    iyad_imh
    .:: عضو مميز ::.
    افتراضي
    والله يا جماعة زي ما حكت النجمة هاد الموضوع بدو مجلدات لانو الواحد بيسمع قصص كتيرة ويمكن في ناس مرو بهيك تجربة في منهم انتهت فيهم العلاقة بالزواج وفي منهم انتهت بدون ولا شي (مقشرين بصل) وفي كتير ناس بكونو يتسلو او حتى بحققو مكسب مادي .
    والأهم من كل هيك انو الواحد عشان يكون متأكد من مشاعر وأحساسيس الانسان الي بحبو لازم يكون شايفه يعني قاعد معو وجه لوجه لانو تعابير الوجه وحدها كافية انو تدل على الانسان اذا كان مخلص بحبو أم لا، يمكن يحل زواج بين شخصين تعرفو على بعض عن طريق النت بس يمكن بعد الزواج يكتشفو شغلات كتيره كانت مخبية وتنتهي بالطلاق، وأكثر شي بستغرب منو لما يكون الشخصين كل واحد في دولة وبكونو مقتنعين انو راح يلتقو، هذا النوع قليل جداً الي بينتهي بالزواج.
    قديم 30-06-2007, 02:00
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    ياااااااااااااااااااااااااااااااااااااااااه من زمان عنك يا موضوعي هههههه :LolLolLolLol: :LolLolLolLol:
    والله اشتقتلك :1001:
    مشكورررررررر يا استاذ اياد لمروك الكريم وسامحني على التأخر ومشورين الجميع بالمناسبة قولتلي يا نجمة بدك رأيي
    الصراحة بعد تفكير عميق وجدال بيني وبين نفسي وقد كان صريحا انه فعلا بطلع الكلام هبل بهبل لانه نص الكلام غالبا ما بكون غير كذب بكذب
    المهم انتم كيف حالكم
    قديم 30-06-2007, 01:33
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    بس الصراحة اللي نيته خير وصادق فيها ممكن ينجح
    اضافة رد

    مواقع النشر (المفضلة)

    الكلمات الدلالية (Tags)
    الاسبوع , الغالي¤ô§ô¤ , القادم , زواجي , هالمنتدى , وعروستي , ¤ô§ô¤باركو

    أدوات الموضوع

    الساعة الآن 02:01.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)