نتائج التوجيهي 2021 فلسطين

استراحة الملتقى هنا يجد أعضاء الملتقى الكرام ما يسليهم ويروح عن أنفسهم,تسلية ترويح,العاب,لعب,نكشة راس,فرفشة,ضحك,نرفيه,جوائز,games

مواقف مضحكه في حياتنا"ارجوا مشاركة الجميع"

الصورة الرمزية DR. FUNK
DR. FUNK
مشرف سابق
تاريخ الإنضمام: 012007
رقم العضوية : 275
الدولة : jerusalem
المشاركات: 2,584
قديم 11-04-2007, 02:34
المشاركة 1
نشاط DR. FUNK
  • قوة السمعة : 61
    مواقف مضحكه في حياتنا"ارجوا مشاركة الجميع"
    مواقف, مضحكه, حياتناارجوا مشاركة الجميع

    السلام عليكم...

    طبعا يا شباب فش حد مننا حياته مثاليه و كلها جديه و هيك...حياتنا"ارجوا الجميع"

    كلنا في بحياتنا مواقف مضحكه و مواقف محزنه و مواقف محرجه و هيك..

    هلأ انا بدي اسأل سؤال...حياتنا"ارجوا الجميع"

    مين من الاعضاء عنده الجرأة انه يحكيلنا موقف محرج بحياته او مضحك او اي اشي صار معه و بضحك..؟؟؟؟؟؟؟؟؟؟؟؟؟؟؟؟؟؟؟؟؟؟؟:1019: :1019: :1019:

    و طبعا من دون خرق حرمة الخصوصيه الشخصيه للاعضاء..

    بدي ابدأ بنفسي..حياتنا"ارجوا الجميع"

    انا هديك المرة نازل من الفورد على المفرق و بتعرفوا كل المفرق بكون فوردات و تكاسي و سيارات و الشفيريه بكونوا ينادوا على اللي بالشارع انهم يطلعوا معهم بالسيارة و هيك..

    فا انا بدي اطلع بفورد "يعني تاكسي" بس مش من المفرق و كان في شفيريه نازلين بصيحوا بأعلى صوتهم تعال تعال و بأشروا بأيديهم على الجهة التانيه من الشارع فااااا انا فكرتهم بدهم اياني اطلع معهم..

    و نازلين بصيحوا علي تعال تعال.. انا فقعت معي الا صرت اصيح عليهم حلووووووووووا عننننننني مش طالع عبيت لحم بديش اطلع معك يخي انا حرررررررررر حللل عني..

    الا و انا بطلع عليهم الا واحد منهم رافع ايده فوق و بأشر فوق فا انا اتطلعت فوق لقيتهم ببنوا بالعمارة اللي انا ماشي من جنبها و كانوا يطلعوا بقضبان حديد على البكرة و القضبان هاي فوقي بالزبط و ممكن بأي لحظه انهم بوقعوا.. فا انا شفت هيك حملت حالي و صرت اركض بعدين حسيت حالي اهبــــــــــل..

    يعني الشفيريه كانوا بدهم مصلحتي و خايفين علي و انا بصيح عليهم و بفكرهم بدهم اياني اطلع معهم خخخخ فحطيت راسي بالارض و ححكيتلهم اسف اسف و همه صاروا يضحكوا...

    موقف محرج بجد صح؟؟؟

    هههههههه

    اه مين في غيري جريء عشان يحكيلنا اشياء محرجه او بتضحك صارت معه؟؟؟؟؟؟؟؟؟؟؟؟؟؟؟

    رجاء من الجميع انه يشارك و يتفاعل مع الموضوع

    حياتنا"ارجوا الجميع"
    قديم 11-04-2007, 03:04
    المشاركة 2
    الصورة الرمزية همـ العيون ـس
    همـ العيون ـس
    .:: عضو مميز ::.
    افتراضي
    ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه



    والله روووووعة الموقف فقعتني من الضحك

    بس لا مش اهبل ولا اشي ,, بتصير باحسن العائلات عااااادي :LolLolLolLol:

    يلا بفكرلك بموضوع وبرجعلك
    قديم 11-04-2007, 06:35
    المشاركة 2
    الصورة الرمزية S M S
    S M S
    مشرف سابق
    افتراضي
    هههههههه حكيتلي ايااه النهفة يا دكتووووووووووور :LolLolLolLol:


    والله انا مش متزكر مواقف دكتور فنك تتزكر شي صاار معي :LolLolLolLol:
    قديم 11-04-2007, 10:32
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههه

    اه شو شباب فش حد بصير معه نكشات هيك ولا هيك

    اس ام اس ازني هديك المرة حكيتلي صار معك شغله محرجه بس انا ناسيها

    اتزكرها يا مان يلا فيعولي الموضوع ليش هيك الكل نايم

    قديم 11-04-2007, 10:42
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    بتعرفوا..!!!

    بصير معي نهفات كتير مع الاساتزة و الدكاترة في الجامعه..

    مثلا بنكون طالعين من المحاضرة و انا بكون قرفان و هيك فاا بصير اتهزء بالكورس و الاستاز تاعها و و كل صحاابي ساكتييييييييين و انا الوحيد اللي بحكي بعدين بقول شو مالهم ساكتين...

    الا الاستاز بكون موقف جنبي و سامع كل شي و انا مش عارف و وجهي بصير يضوي اخضر سماوي على ابيض داكن...

    خا خا خا خا



    يلا شو عندكم مواقف محرجه صارت معكم

    طلعوا مهاراتكم يلا ما تخافو ما حد حيتمسخر او يستهزئ.. اللي بتهزئ ب حده برد عالموضوع بدي اطسه

    خخخخخخ

    انعفولي الموضوع

    قديم 11-04-2007, 11:36
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    اتزكرت وحده

    هاد بالزمانات لما كنت بالصف السابع مرة انا و صاحبي عمملنا بالاستاز مقلب و المشكله المقلب بالاخير قلب علينا..

    هاد يا شباب كان عنا انتخابات بالصف عشان العريف و الكل ماسك قلم و ورقه صغيرة و بكتب عليها اسم اللي بده اياه يصير عريف و انا شو اكتب عالورقه انا و صاحبي...!!!!!!!!

    قال كتبت عليها الاجابه خلف الورقه و عالورقه من ورا كتبت ضحكت عليييييييك

    يعني الاستاز بيجي بمسك الورقه بقرأ الاجابه خلف الورقه بقلب الورقه بلاقي ضحكت عليك و عملنا هيك انا و صاحبي و يلا صوت يا حبيبي قال زي اللي عنجد..

    بالاخر لما الاستاز قرأ الورق تاعنا نزل فينا بهادل و مسح الارض فينا و بتزكر طلعني و وقفني عالباب و شمطني كف و صاحبي نزل فيه شلاليط هههههه دمااار

    كنا شياطين ههههههه

    قديم 12-04-2007, 12:00
    المشاركة 2
    الصورة الرمزية أسامة AL-AZHARY
    أسامة AL-AZHARY
    مشرف سابق
    افتراضي
    خذولكم هالنكشة

    هذا ياسيدي في مرة من المرات رحت على المدرسة (زمان يعني مش تفكروني طالب ثانوية لسه) وأخذت معاي (الشدة) علشان أطس الشباب طردين طرنيب .... وين بدنا نلعب وين بدنا نلعب
    لقيتها بنلعب بالصف
    كبس علينا مدرس الانجليزي .... هو شب مش كبير بالعمر .... وبدل ما يصادر الشدة قعد يلعب معانا ، وطلب حريف باللعب وانغلبنا وفي نهاية اللعبة راح لم الشدة وحطها بجيبته ... قلتلوا وين رايح بالشدة بدنا اياها
    قال: ممنوع اللعب بالمدرسة ... الشدة اتصادرت :1047:

    شوفتوا أحلى من هيك نكشة راس
    قديم 12-04-2007, 12:08
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههههههههههههههههههههه



    حلوة زكرتني لما حرقنا الصف

    هاد يا شباب الدروج عنا وسخين و كانوا ملانين خرابيش و هيك و هاد الحكي بالمدرسه بالتوجيهي..

    هلا جبنا تنر عشان ننظف الدروج ال يعني انه احنا نظيفيين و هيك فا بدينا نكب بالتنر عالدروج و نمسح بالخرابيش...

    و صاحبي ما شاء الله عليه ال بده يشوف شو بصير ازا ولع التنر...

    الا هو مسك ولعه ولا قداحه و حطها عالدرج....... ههههههههههه

    و الدرج ولللللللللللللللع و صار كل الصف دخاااان و كل المدرسه انجنت و الاساتزة هجموا عالصف و طلعنا برة و قعدوا يطفوا بالوضع و حاله انسوا من الاخر...

    بس راحت عليه صاحبي انفصل اسبوع كامل عشان اللي صار و صحله انذار مزدوج

    ههههههههههه



    محمود بتتزكر لما ولعنا الصف عنا؟؟؟ خخخخخخخ

    والله ايام كانت يا ريت لو ترجع

    :1001:
    قديم 12-04-2007, 12:17
    المشاركة 2
    الصورة الرمزية S M S
    S M S
    مشرف سابق
    افتراضي
    دكتور فنك فااايع لحالك هون :LolLolLolLol: :LolLolLolLol: :LolLolLolLol:
    قديم 12-04-2007, 12:26
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    شايف بلا

    فش حد متفاعل معي

    شكله انا الوحيد اللي عنده نكشات و مواقف محرجه

    :1047:
    قديم 12-04-2007, 11:44
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    اه صح...

    مرة زمان و انا صغير ازني بالصف التاسع كنت اه كنت مروح من الملعب كنت العب باسكت فاااااا موقف على الرصيف بستنى بسيارة فورد عشان اطلع معها..

    و كل ما تمرئ سيارة بأشرلها بس ما بتوقفلي بتم ماشيه...

    انا فقعت معي بدي اطلع بسيارة و فش ولا سيارة موقفه الي فاا الا في فورد جايه كمان رحت اشرتلها بأجري ههههههه رفعت اجري و حطيتها بوجه الفورد يعني بالعربي مستفقع الدنيا كنت و مش سائل عن اشي...

    فااا الفورد تمه ماشي و انا ولا على بالي...

    الا بطلع هناك الا الفورد موقف و نازل الشفير تاعه و في بأيده ماسورة حديد و بركض باتجاهي ههههههههه و انا شفته هيك قلت يا حبيبي و صرت بدي اتشاهد قلت هلا هاد بقتلني...

    الشفير كان من السواحرة مشطوب و انتو بتعرفوا كيف مخاتهم هادول تاعون السواحرة...

    المهم انا تميت واقف محلي الا الناس اللي كانو بالفورد معه نزلو بسرعه و مسكووووا بعد ما قرب علي كتير يعني 5 متر و بكون واصلني.. اه مسكووو و هدوا و انا بطلع بكل برودة قلب هههههههه

    و صار يصيح علي و يغلط و انا تميت ساكت...

    بعدين هدي و هيك و طلع بالفورد و طلعو الناس اللي معه و تمه رايح...

    انا بعد ما شفته راح فقعت ضحك هههههههه كنت مجنون...

    اخخخخ شطب



    يلا شباب فش حد غيري بكتبلكم انا شايف

    قديم 12-04-2007, 03:36
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    اه في كمان وحده

    مرة و انا ماشي بالجامعه مسطل و مش شايف ادامي و بطلع على صاحبي و بدنا نطلع عالدرج و انا مش منتبه انه في جنبي بنت ماشيه و اجيت اطلع عالدرج زي سبع البورومبا و مسكت الدربزين و ميلت كل جسمي عليه و البنت هاي كانت جنبي بالزبط على جهة الدربزييين...

    و يا ريتني طبيت فيها طب عادي هيك لاااااااااااا رحت الا انا فاعصها هههههههه

    و هي لزئت بالدريزين و صارت تطلع في بدها تاكلني و صار وجهي انا زي البندورة فا حكيت اسف و حطيت راسي في الارض و رحت عالجهه التانيه..

    موقف محرج عالاخررررررررررر المشكله هي بتفكرني انه بتحركش فيها ولا انا عملت هيك و انا قاصد

    يا رب ما تنعاد و على فكرة بعدها بنص ساعه بردو خبطت في وحده بس عالخفيف مش زي هديك فعصتها رسمي..



    شكله فش حد غيري عايش حياة مليانه مواقف محرجه

    قديم 12-04-2007, 11:34
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    شكله انا لازم اغير العنوان تاع الموضوع...

    بدي اخلي مواقف مضحكه في حياة Dr. Funk

    فش حد غيري بكتب مواقف بتصير معه

    اي مشان الله اتفاعلوا مع الموضوع

    قديم 12-04-2007, 11:45
    المشاركة 2
    الصورة الرمزية S M S
    S M S
    مشرف سابق
    افتراضي
    تبكيششششش خلص :LolLolLolLol:


    لازم مضحكة يا دكتور ...





    موقف صار معي بس مش مضحك



    مرة انا بمباراة وكنا فايزيين بنقطتين بس وضايل للمباراة عشان تنتهي 4 ثواني بس المدرب طلب وقت مستقطع .. المهم حكالناا انو خلو الطابة معكم عشان ما يخدوهااا ويجيبو سكور يعني ازا اي واحد بتيجي الطابة ما يعطيها لحد خليها بااايدووو ... رجعنا عالمباراة اللاا هي الطابة اجت على ايدي وضايل ثواني بس مش اضل مسكهااااااااااااا لأ رحت بدي أعطيها لواحد تاني معي بالفريق يعني بدي امررهاا الا الفريق التاني بخدوها مني وبجيبو ثلاثية وبفوزوو عليناااا وانا صار وجهي اخضر واحمر وبني مش عارف شو بدي اعمل والمدرب بتطلع علييييييي والله انحجرت وقتهااااااااااااااااااااااا :LolLolLolLol:
    قديم 13-04-2007, 12:09
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    اها

    يا سيدي يا محمود تعيش و تاكل غيرها..

    معلش شغات زي هيك بتصير بس بتعرف جعبالي اضحك

    اي خلص بدي اضحك

    ههههههههههههههه

    خلص هيك نفست خخخخخخخ

    اه اللي بعده يلا

    قديم 13-04-2007, 12:20
    المشاركة 2
    الصورة الرمزية S M S
    S M S
    مشرف سابق
    افتراضي
    اضحك اضحك مين ماسكك
    قديم 13-04-2007, 12:58
    المشاركة 2
    الصورة الرمزية ابو صفيه
    عضوية مجمدة
    افتراضي
    طيب انا بدي احكي هالموقف


    مره كنت بالجامعه وطالع من المحاضره


    والمحاضره كانت ممله كتتتتتتير


    وبلشت احكي على الدكتور وانا بالساحه


    وفجأه الدكتور طلع وراي

    وانحرجت كتييير


    بلأيكوا شو عمل


    طبعا حملني الماده


    هههههههههههه
    قديم 13-04-2007, 03:52
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههه



    اكيد حملتها

    اشياء زي هيك بصيرووا كتير

    قديم 13-04-2007, 04:21
    المشاركة 2
    الصورة الرمزية الحزينه
    الحزينه
    .:: عضو نشيط ::.
    افتراضي
    يقطع شرك دكتور فرنك

    والله فعئتني ضحك

    اسمعوا يا جماعه

    في احد المرات دخلنا البنك ان واختي ولو تشوف شو صار ونحن خرجين احزروا شو صار لئيت اختي ملزقه بالباب زجاج يا حرام طلعت مش شايفه ههههههههههههههههه

    والله لله لا يوريكم رحت يغمى علي من كثر ما ضحكت

    كمان وحده

    الي صديقه عمره ما لبست كعب الا توقع

    وفي احد المرات كان في رحله بالمدرسه وصاحبتي من كثر ما هي مبسوطه نزلنا من الفورد والبنت الله يهديها حاب تلعب شوي طبعاً ان نزلت قبله وهي بتفكرني راح ابئى واقفه حتى تنزل وراحت وهي قافزه بده تمسك كتافي ويا حرام وتيجي على الارض وان كملت مشي ولا عارفه بشئ الا ناس بنادوا علي تعالي شوفي صاحبتك ويا ريت ما شفته على الارض لني كنتت راح اصير جمبه من كثر ما ضحكت

    لي عوده لني لسه مو متزكره شئ عن حالي
    قديم 13-04-2007, 11:07
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههههههههههههههههههههههههههههههههههههههه



    حلوة هاي

    شكرا على تفاعلك مع الموضوع..

    انا هيني بستنى برجعتك التانيه

    ما تطولي

    :1001:
    قديم 14-04-2007, 12:11
    المشاركة 2
    الصورة الرمزية ابو صفيه
    عضوية مجمدة
    افتراضي
    انا بدي اسبقها بالرجعه


    ههههههههههههههههههه


    مره وبالصدقه كنت ماشي من جنب بنات انا واصحابي وفجأه واحد منهم علق على بنت منهم

    بتعرفوا مين طلعت البنت الي علق عليها

    اكتر وحده بحترمها بالجامعه

    وانحرجت احراج الله لا يحط حدا محلي

    شو رايكم بالموقف
    هههههههههه
    قديم 14-04-2007, 12:35
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههه

    والله مواقف محرجه بجد

    ابو صفيه شكرا كتير كتير كتير كتير كتير على تفاعلك يا مان

    والله من دونك و الشباب كان ضاع الموضوع في ثنايا المنتدى

    قديم 14-04-2007, 12:40
    المشاركة 2
    الصورة الرمزية S M S
    S M S
    مشرف سابق
    افتراضي
    اقتباس:
    لئيت اختي ملزقه بالباب زجاج يا حرام طلعت مش شايفه
    هههههههههههههههههههههههههههههههه

    هههههههههههههههههه

    صارت معي بعمان هاي الشغلة ههههههه كنا داخلين على مول بعمان السنة هديك لما طلعنا مع النادي وكنت ماشي انا وصحابي مبسوطين وحلتنا حالة وبنضحك ومش عارف شو الا مرة وحدة حسيت صار شي غلط لقيت حالي ملزق بالبااب هههههههههههههههه :LolLolLolLol:

    والمشكلة لما روحنا عالاوتيل ضرب راسي بالبااب من كتر مأناا صااحبي
    قديم 14-04-2007, 12:52
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههههههههههههه

    عادي يا مان بتصير في احسن العائلات

    تعيش و تاكل غيرها

    زكرتني في موقف زي هيك بس ما خبطت في باب لا كنت ماشي بالشارع و مسطل كنت يومها بالمدرسه بردو اه فا ماشي و ماسك الكتاب بتصفحه كان علينا امتحان هداك اليوم و مش منتبه قدامي و كان في بلاطه زي بلاطة الرصيف بالشارع هاد الحكي و انا مش شايفها رحت خابط فيها و واقع طب.. خخخخخ

    بس ما كان في كتير ناس بالشارع كان الوقت الصبح و الناس لساها نايمه

    :LolLolLolLol:
    قديم 14-04-2007, 02:52
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    اتزكرت وحده :

    هاد مرة اول ما بديت العب حديد كنت لساني ضعيف و يا دوبي احمل ال 20 كيلو..

    اه فااا بهداك الوقت ازني كان صايرلي اسبوعين و انا بلعب فا مرة من المرات كان في لعيبه كبار و هيك و كانو عليهم اجسام ضخمه و اشي اشي..

    و قال صاحبكم dr.funk صار بده يعمل زيهم..

    رحت قعدت عالبينش و بدي العب صدر و معروف انه الواحد بنام نوم عالبينش لما يلعب صدر اه فا رحت جبت هلااوزان و حطيت 20 على جهة و 20 تانيه على السايد التانيه يعني صار كل اللي بدي ارفع كله على بعضه 60 كيلو مع البار..

    و ال رحت الا انا رافعهم و في ناس ملان حولي كلهم لعيبه اشي اشي ال و اجيت نزلتهم بعدين بدي العب كمان ون مور.... الا هو مش راضي يرفع..... ولك ارفع........ ابدا

    و ما قدرت ارفعه و نزل البار على صدري و كان تقيل و صرت اصيح يا عالم قيمووا البار عني..:1047:

    و اجوا تنين رفعوه عن صدري و انا صار صار نفسي اشرد من النادي كله... كلهم صارو يطلعوا علي و يضحكوا

    خخخخخخخ

    زمان هاد الحكي اول ما بديت العب بالصف ال 11

    ههههههههه

    ان شالله بتجربوها ليوم..

    خا خا خي
    قديم 15-04-2007, 09:09
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هاد الموقف صار قبل شي اسوع او اقل...

    بس هو مش محرج لانه بين العيله يعني عادي بس بضحك...

    هاد كانت الساعه 12 بالليل و انا كنت جعان و كان الطيبخ ورق دواللي و انا بحب هاي الطبخه..

    فا قلت خلص بدي اروح اكل شوي و انظف اسناني و اروح انام..

    رحت طلت صحن الورق من التلاجه و نزلت اكل فيه و قعدت على ارضيه المطبخ على السجاده و قعدت اكل...

    بعد 5 دقايق قلت بدي استلقي على ظهري و اكل... فاااا استلقيت و الصحن على بطني..

    .
    .
    .
    .
    .
    .
    .
    .
    .
    .
    .
    .

    .
    .
    .
    .
    .
    .
    .
    .
    .

    عالساعه 4 او 4 و نص امي و ابوي قاموا من النوم فا بطلعوا كل الدار مضويه و صوت الكمبيوتر شغال و هيك..

    دخلوا عالمطبخ الا ابنهم الكبير نايم على ارضية المطبخ و صحن ورق الدوالي في حضنه و فطسوا ضحك علي و وصلوني على تختي زي الاولاد الصغار....

    خخخخخخخخخ

    اضحكوا اضحكوا اه


    قديم 17-04-2007, 11:22
    المشاركة 2
    الصورة الرمزية iyad_imh
    iyad_imh
    .:: عضو مميز ::.
    افتراضي
    ههههههههههههههههههه والله الوحد بتصير معاه نهفات

    في شغلتين تذكرتم

    مرة كنت اشرح بحصة رياضيات كنت اكتب على اللوح لفيت وجهي لقيت بنت لافه القم على شعرها والقلم مش راضي يفك المهم انا لما لفيت وجهي لقيتها بتسحب بالقلم من شعرها بتشد فيه شد وعلى الفاضي طبعا انا لما شفتها ما قدرت امسك حالي بلشت اضحك وكل الصف صار يضحك طلعت برى الصف مسكت حالي عن الضحك ورجعت للصف اول ما دخلت اتطلعت بالنت رجعت فرطت من الضحك.

    خدو كمان هاي

    مرة كنت باشرح بحصة أولى آخر 5 دقائق من الحصة الا كل الطلاب والطالبات قايمين من الدروج وبصرخو بسأل شو في ؟؟؟؟ بحكولي عقربة بأسئل الطالب وين العقربا الا هي العقربا في بوت الطالب تخيلو الموقف الطالب جاي من البيت على المدرسة وقعد 40 دقيقة بالحصة لما حس انو عقربة في البوت والنهفة انو العقربه ما قرصتو شكلو كاينه دايخه ههههههههههههههه خانقها
    قديم 17-04-2007, 03:48
    المشاركة 2
    الصورة الرمزية فراشة القمر
    فراشة القمر
    ...:::: عضو ذهبي ::::...
    افتراضي
    مرة انا وصحبيتى مروحين من المدرسة
    صحبتى شافت بنت كتير سمرة ومش حلوة البنت صغيرة
    قالت اكيد اسمها (اسمى) رحت سالت البنت شو اسمك طلع اسم صحبيتى
    ظلت صحبتى ملزقة بلبنت والبنت راحت مشت مع اخوها زيها اسمرانى ومش حلو
    واخوها كان ماشى وقالتها صحبيتى باى
    ولف اخوها وجه

    وافتكر الباى اله
    ومن يومها وهو ملزق بصحبيتى

    وانا وصحبتى الثانية مسمينه الباى
    وهو مصدق حاله
    قديم 17-04-2007, 07:37
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههههه نكشه انته يا أياد استاذ اشي ولا طالب زينا زيك

    عشان ازا استاز بدنا انتفك خخخخخخ لا بمزح يا مان اصلا كل الاحترام للاساتزة بس تاعت البنت و القلم اللي بشعرها هاي طقع..

    شكرا على المرور اياد

    اما طالبة العلم ههههههههههههه
    والله بحزن انا على الشباب اللي هيك يا حرام ما بصدقوا ههههههههههه

    شكرا على المرور بردو

    هلأ دوري انا زمان بالمدرسه مرات بكون سرحااان و مش منتبه عالاستاز و كل الطلاب بكونوا نفس الشي مسطلين واللي بنكش بالتاني و اللي بخربش عالدرج و اللي بحكي مع حاله و اللي بلعب بشواربه و اللي ماشك قلم و بده يكسره و كل هاد بصير و الاستاز بشرح و بردو الاستاز مسطل بشرح بوواد و احنا بواد فاااا انا بقعد اتأمل بالطلاب و بحركتهم العشوائيه و العفويه و الهبل اللي بعملو و همه مش صاحين على حالهم و فجأة بصير اضحك زي المجانين و كل الطلاب بلفو وجوههم علي و الاستاز و اللي جنبي كلهم بستغربوا...

    ههههه و انا بكون ميت ضحك

    دمار ايام المدرسه

    قديم 17-04-2007, 07:37
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههههه نكشه انته يا أياد استاذ اشي ولا طالب زينا زيك

    عشان ازا استاز بدنا انتفك خخخخخخ لا بمزح يا مان اصلا كل الاحترام للاساتزة بس تاعت البنت و القلم اللي بشعرها هاي طقع..

    شكرا على المرور اياد

    اما طالبة العلم ههههههههههههه
    والله بحزن انا على الشباب اللي هيك يا حرام ما بصدقوا ههههههههههه

    شكرا على المرور بردو

    هلأ دوري انا زمان بالمدرسه مرات بكون سرحااان و مش منتبه عالاستاز و كل الطلاب بكونوا نفس الشي مسطلين واللي بنكش بالتاني و اللي بخربش عالدرج و اللي بحكي مع حاله و اللي بلعب بشواربه و اللي ماشك قلم و بده يكسره و كل هاد بصير و الاستاز بشرح و بردو الاستاز مسطل بشرح بوواد و احنا بواد فاااا انا بقعد اتأمل بالطلاب و بحركتهم العشوائيه و العفويه و الهبل اللي بعملو و همه مش صاحين على حالهم و فجأة بصير اضحك زي المجانين و كل الطلاب بلفو وجوههم علي و الاستاز و اللي جنبي كلهم بستغربوا...

    ههههه و انا بكون ميت ضحك

    دمار ايام المدرسه

    قديم 18-04-2007, 02:37
    المشاركة 2
    الصورة الرمزية iyad_imh
    iyad_imh
    .:: عضو مميز ::.
    افتراضي
    انا استاذ في مدرسة يا دكتور فنك في نهفة صارت مع زميلي استاذ دين فعمل امتحان بتوقع للصف السادس من ضمن الأسئلة كان سؤال ما عمل الملائكة؟

    فكركم شو كان جواب الطالب؟؟؟؟
    /
    /
    /
    /
    /
    /
    /
    /
    /
    //
    /
    /
    /
    /
    /
    /
    /
    /
    /
    /
    /
    /
    /


    الصناعة والتجارة

    يا هيك الطلاب يا بلاش
    قديم 20-04-2007, 12:09
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههههههههههههههههههههههههههه



    و الخياطه و غسل الصحون و الطناجر

    ههههههههههه

    طgع هههههههه

    اهلا و سهلا فيك اياد و في كل الاساتذه في المنتدى

    منورين والله

    قديم 20-04-2007, 09:36
    المشاركة 2
    الصورة الرمزية iyad_imh
    iyad_imh
    .:: عضو مميز ::.
    افتراضي
    مشكور يا دكتر فانك واهلا وسهلا فيك كمان اخ عزيز

    قديم 21-04-2007, 12:55
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    حبيبي احلى استاذ في المنتدى

    شكلك استاذ نكشه

    قديم 10-06-2007, 10:20
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    :003600360036:
    قديم 10-06-2007, 09:33
    المشاركة 2
    الصورة الرمزية حنين الصمت
    حنين الصمت
    .:: عضو ::.
    افتراضي
    وين كاين هالموضوع عني
    انا بتصير نهفات معي اشي اشي

    بدون مقدمات نبدا بالموضوع

    مرة وانا صغيرة يعني مش صغيرة كتير كان عمري عشر سنين بابا وماما كانو طالعين واخوتي مع صحابهم بلعبو في الحارة وفش الا انا واخوي الكبير في البيت وانا كنت زهقانة كتييييييييييييييير بحكيلو العب معي مش راضي يخي العب معي مش راضي قال هو تعبان ونعسان وبدو ينام وقبل ما ينام عملي محاضرة قال ما العب بالغاز ولا اطلع على الشارع ولا امسك السكين ومن هالحكي وراح نام و ما حط راسو على المخدة الا هو بسابع نومة طيب انا شو بدي اعمل زهقانة :1019: دخلت على غرفة ماما وبابا وفتحت الخزانة كانت في علبة مكياج لبنت عمتي نسيتها عنا فانا ماما حكتلي انو ما بصير العب فيها ولا احط على وجهي عشان بتخرب الوجي طيب انا بدي العب فما لقيت الا اني اروح على اخوي اصحي في مش راضي يقوم فانا عصبت وفتحت العلبة وصرت ارسم على وجهو وهو ولا كانو هون في سابع نومة وارسمي يا حنين بعدين زهقت فرحت نمت يعني بعد ساعة تقريبا سمعت صوت ضحك قمت بسرعة اشوف شو في لقيت ماما وبابا غميانين من الضحك واخوي راسو بغلا وبطلع من عيونو الشرار وراح مسكني وصار يرسم على وجهي عجب علي بس لليوم بضلني ازكرو بهاد الموقف وكل ما نتزكرو بنكون من نموت من الضحك
    قديم 10-06-2007, 11:49
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههههههههههههههههههههههه



    نكشه

    انا عملتها باخوي الصغير قعدت اخربش على وجهه هديك المرة و هو نايم بس هيك نكشة راس اعجب عليه هههههههه

    مشكوووورة عالمشاركه

    قديم 11-06-2007, 12:45
    المشاركة 2
    الصورة الرمزية حنين الصمت
    حنين الصمت
    .:: عضو ::.
    افتراضي
    وكمان وحدة

    مرة وانا بصف تاسع كان علي امتحان رياضيات وانا بكرة الرياضيات و ضليت ادرس يومين ورا بعض خميس وجمعة وما نمت الا 4 ساعات وكنت خايفة وحالتي حالة ولما رحت على المدرسة يوم السبت قدمت الامتحان والحمد لله كان سهل وسلمت الورقة والمعلمة حكت الاي بتخلص تحط راسها على الدرج وانا ما حطيت راسي على الدرج الا انا في سابع نومة لاني كنت نعسانة كتيير ومش قادرة افتح عيوني ....بعدين خلصت الحصة واجت الحصة الي وراها وانا نايمة على الدرج اجت المعلمة والبنات بدهم يصحوني لانو مش معقول اني اضل نايمة وهون صارت الفضيحة المعلمة بتصحي في وانا بحكيلها ماما استني شوي هلأ بقوم ماما خلص ومن هالحكي بعدين المعلمة جابت مي ومسحت وجهي فقمت انا بحكي للبنات وين انا ...فكلهم صارو يضحكو والمعلمة شوي وكانت بدها توقع على الارض من كتر ما ضحكتها موقف محرج
    بس يعني شو اعمل كنت نعسانة وبدي انام فيها اشي :LolLolLolLol:
    قديم 11-06-2007, 01:54
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههههههههههه

    لا عادي بتصير في احسن العائلات

    قديم 11-06-2007, 02:19
    المشاركة 2
    الصورة الرمزية sabur
    sabur
    .:: عضو نشيط ::.
    افتراضي
    ههههه كووول

    اقلكم شو صار معي قبل ثلاث سنين كان يوم ما بينتسى

    اسمعو منيح
    انا وصحباتي بوقت الدوام (بالمدرسة) عم نلعب بالتلج وبنرمي عبعض طابات طابات رايحة وطابات جاية
    و فجأة يجينا وحش الرياضيات مضروب طابة براسو والله لا يورجيكو شو صار فينا كان يوم لا ينسى بس المنيح بالموضوع انو المس ما شافتني وصحباتي بنات مناح تبهدلو لانهم انمسكو بالجرم المشهود اما أنا ما فسدوا عني
    يللا اضحكو اصلا الي بيضحك بالموضوع هو التوتر وعقل الواحد كيف بيكون رايح جااي رايح جاي:1019:

    هههه
    قديم 11-06-2007, 03:12
    المشاركة 2
    الصورة الرمزية Al-ReMaWi
    Al-ReMaWi
    .:: عضو نشيط ::.
    افتراضي
    ها ها ها ها

    مو حلوة
    لول
    قديم 11-06-2007, 03:25
    المشاركة 2
    الصورة الرمزية sabur
    sabur
    .:: عضو نشيط ::.
    افتراضي
    بس بلاااش طب مو حلوة قول الي احلا منها
    اكيييد عندك زيها وأحلى أتحفنا معك أنا الي بعرف عمايلك السودا هههه
    قديم 12-06-2007, 03:48
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههه

    هو تقريبا ما فهمت اشي انا

    مشكورين

    قديم 15-06-2007, 12:36
    المشاركة 2
    الصورة الرمزية هالة حمدي
    هالة حمدي
    .:: عضو جديد ::.
    افتراضي
    مرحبا ....أنا مرة صار معايا موقف محرج وأنا في صف ثانية ثانوي ...المهم قررت في يوم من الأيام أعمل موقف محرج مع صاحبيتي اللي قاعدة جنبي فاشتريت فار لعبة وجبته معايا عالمدرسة وحطيته في شنطة صحبيتي وبعدين بدت الحصة وطلبت منا المس نطلع الكتب وطبعا صحبييتي رح تفتح شنطتها علشان تطول الكتاب ففتحت صحبيتي الشنطة والا هي بتصرخ وبتصرخ بصوت عالي والصف تقلب وصارت فوضي في الصف مش عاريفين هي ليه بتصرخ وأنا ميتة من كتر الضحك مش قادرة أمسك أعصابي وبعد هيك عرفوا ليه هي بتصرخ وعرفوا اني أنا اللي حطيت الفار في شنطة صحبيتيي والمس أعطتني بهدلة عمري ما بنساها وطردتني من الصف وحمدت ربي إن الموضوع ما وصل المديرة لأن المديرة كانت قوية كتير وما بترحم........... وصحبيتي زعلت مني وبعد هيك تصالحنا لكن هادا الموقف ما بنساه طول عمري ............
    قديم 15-06-2007, 12:56
    المشاركة 2
    الصورة الرمزية نرجسة البر
    نرجسة البر
    .:: عضو قدير ::.
    افتراضي
    انا السنة صار معي الموقف
    حكيت بدي امزح مع صاحبيتي
    وعلى الماسنجر عملت حالي شب حصل على ايميلها وبدي اتبايخ شوي عليها
    وبلشت معها ويوم وانا طالعة على الدرج بعدد في ايميلاتي
    وعديت الايميل اللي عم براسلها عليه
    طنشت ومشيت وهي ما سمعت
    في الماسنجر ضليتني اتبايخ وهي تتبايخ طبعا حكتلي انها مزوجة وعندها بنت والى اخره
    وبالاخر حكيت بدي اكشفلها هويتي ولا هي
    طالعة عارفيتني من يوم ما عددت الايميلات وبدل ما انا اكملها عليها راحت هية مكملاها علي
    لانها عملت حالها مو سامعة الايميل
    بالله عليكوا شو رايكم
    طبعا ايدي انكسرت وانا بكتب
    قديم 16-06-2007, 02:42
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههه

    زكرتوني بمرة لما حطينا عنكبوته لعبه بس كان منزرها جديه تحت طاولة الاستاذ بس الاستاذ شافها و حملها عادي و ولا خاف او نقز.. خخخخخخخ

    و بالنسبه لنرجسه اتزكرت مرة صاحبي عمل في فيلم و عمل حاله واحد صاحبي و نزل يمدح بحاله على لسان واحد تاني و انا مصدق و نازل بحكيلي انو عمل هيك و هيك و انا معه للآخر فااااا تاني يوم لما شفته بالمدرسه "زمان قبل ما ادخل الجامعه" الا هو بحكيلي هيك هيك كنت اضحك عليك انا هداك الشاب خخخخخخ

    قديم 16-06-2007, 03:41
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اجاااااااااااااااااااااااك يا مان
    من يوم ما نفتح الموضوع وانا بفكر بموقف اكتبه مش قادر اتزكر واحد عدل زي الناس يعني مش كامل
    المهم الحين تزكرت اخيرا واحد

    اول واحد مرة صديقي اتصل علي وعمل حاله صوت مراة بلهجة لبنانية لا هوانا بقله كيف حالك يا خالتي ؟ شو اخبارك غطست معه شوي وانا مش داري عن حالي
    لهو بقلي بس ولا شو مالك بتحلم بخالتك
    المصيبة اني طلعت على الرقم قبل ما افتح الخط وبقى جوال كيف دخلت على الحركة هدي مش عارف هههههههه

    موقف اخر
    مرة وا نا وصديقي كنا بالسوق المعروف بالساحة (شارع عمر المختار) المهم ماشيين لهو انا بطلع بمحل اواعي ستاتي صغير شوي المهم شفت بنت المهم كانت معطياني ظهرها المهم حسبتها اختي اللي اكبر مني المهم انا قلت هي لابسة شبه هدومها ونفس الحجم والطول وانا بعرف اختي هتيجي على السوق لمشوار فروحت احكي معها المهم حطيت ايدي على كتفها وخبطها خبطة صغيرة خفيفة وبقلها اه شو سوتي انتي هون لهي بتلف وجهها علي لهي بنت تانية وعاد يا ولد هات جميع الالوان تمر من على وجهي خخخخخخ
    وصاحبي يفرط من الضحك علي ويقعد على البنكيت بالشارع يضحك علي
    المهم تاسفت الها وجيت فاكح هههههههههههه :LolLolLolLol:
    مليح ما لحقني صاحب المحل التاني هوا سخسخ من الضحك

    اجاعلى بالي موقف تاني بس مش عارف اذ ابنحكي ولا لأ
    المهم خليه لبعدين خخخخ
    والله انبسطت كتير على الموضوع يسلموو ايديك د.فنك وسامحنا على التأخير
    قديم 16-06-2007, 03:19
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههههههههههههههههههههههههههه

    نكشششششششششه

    ابو يزن فرطتني ضحك هههههههه

    منيح ما طلعت البننت لعيبة كراتيه كانت راحت في كيسك يا مان هههههههههه



    انا اتزكرت موقف بس مش موقف هوا فيلم انا عملته بصاحبي

    بحكيلكم اياه بعدين

    و ابو يزن معلش احكي يا مان المهم اشي بضحك ههههههههه

    شرفتنا بالموضوع يا مان

    قديم 16-06-2007, 05:14
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    اقتباس:
    منيح ما طلعت البننت لعيبة كراتيه كانت راحت في كيسك يا مان هههههههههه
    منا بمشيش بدون مرافقين هههههههههههههه :LolLolLolLol:
    قديم 16-06-2007, 05:31
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    ههههههههههههههههههههه



    بدي احكي الفيلم اللي عملته بصاحبي هديك المرة...

    هاد كانت الساعه 3 الصبح و انا قاعد عالنت و بدي اتفشش بأي حد فا نزلت ابعت مسجات عالتلفون لصحابي و االلي بعرفهم و هيك فاا وصلت لصاحبي همام بدي ابعتله مسج بس مش عارف شو احكيله فيها فا اتزكرت انو هو مصاحب بنات و بحكي معهم و هيك فاا رحت بعتله مسج كتبت فيها "بحبك همام انا مش قادرة ابعد عنك مش قادرة و مش عارفه انام بفكر فيك و مشتاقتلك " و من هالحكي و طبعا الساعه 3 الصبح و هوة ما بعرف رقم تلفوني...

    فاا تاني يوم اجيت لصاحبي "واحد تاني" و حكيتله هيك هيك عملت بهمام بعتله مسجات و مش عارف شو الا هوا بحكيلي هوا انته اللي باقي تبعتله و حكالي انو فضح الدنيا انو في وحده بتحبه و هيك هههههههه

    و انا فرطت ضحك و صاحبي فرط ضحك

    و في نفس اليوم بس روحت من الجامعه الا هوا صاحبي همام اللي عملت في الفيلم بتصل على رقمي برايفت "خاص" و انا اول ما اتصل عرفت انو هوا همام فاا ما عرفت شو اعمل رحت رديت عليه و ما حكيت اشي و هوا ما حكى اشي و تمينا دقيقه و نص فاتحين الخط و ولا حد محكي اشي هههههه و بعدين سكر الخط...
    الا بعد ربع ساعه رجع اتصل فاا انا فتحت الخط و حكيت بصوت خفيف يعني نعمت صوتي و حكيت الو و بس ههههه و هوا ما حكى اشي و بعديها سكتت انا و تمينا 3 دقايق او اقل و هوا فاتح الخط و مش محكين اشي انا و اياه و لا احلى اشي كان فاتح على اغاني رومانسيه عنده ههههههه و كان صوتها طالع عالتلفون ههههههه

    فا تاني ييوم اجيت عالجامعه انا مسخسخ ضحك الا صاحبي بحكيلي همام كشفك شاف رقمك عندي و عرف انو انته اللي باقي تبعتله مسجات ههههههه و صار يتحلفلي ههههههه..

    و قال لسه انا كنت بدي ابعتله مسج انو يقابلني على باب الطب تاني يوم ههههههههه

    والله متت ضحك هداك اليوم عليه

    قديم 16-06-2007, 05:48
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    والله مقلب دمار هاد
    قديم 16-06-2007, 11:37
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    اه شايف بالله ههههههههه

    عاد لسا لو انه ما عرف ولا كنت بدي ابعتله مسج انو يقابلني تاني يوم على باب كلية الطب

    ميمعه

    :
    اضافة رد

    مواقع النشر (المفضلة)

    الكلمات الدلالية (Tags)
    مواقف , مضحكه , حياتناارجوا مشاركة الجميع

    أدوات الموضوع

    الساعة الآن 08:10.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة لملتقى طلاب فلسطين
    •  
    •  
    •  
    Powered by vBulletin® Version 3.8.8
    Copyright ©2000 - 2021, Jelsoft Enterprises Ltd.