نتائج التوجيهي 2021 فلسطين

استراحة الملتقى هنا يجد أعضاء الملتقى الكرام ما يسليهم ويروح عن أنفسهم,تسلية ترويح,العاب,لعب,نكشة راس,فرفشة,ضحك,نرفيه,جوائز,games

يـــــوم فــــــي حياة عضـــــو

الصورة الرمزية عيون اسلامية
عيون اسلامية
.:: عضو قدير ::.
تاريخ الإنضمام: 042008
رقم العضوية : 3082
الدولة : غزة
المشاركات: 1,456
قديم 10-07-2008, 02:26
المشاركة 1
نشاط عيون اسلامية
  • قوة السمعة : 27
    Sm288 يـــــوم فــــــي حياة عضـــــو
    حياة, يـــــوم, عضـــــو, فــــــي

    موضوع جميل وخفيف وياليت الجميع يشارك فيه

    الفكره عجبتني وحبيت اطبقها في منتدانا المتألق...

    سنقوم باستضافة عضو..يحكي لنا عن مسار يومه
    منذ ان يصحو صباحاً حتى يحل الليل وينام...

    متحدثاً بحريه تامة وبأسلوب..عفوي جداً.وكم جميل لو كان به
    بعض المــرح والإنطلاق والتحرر من قيود المواضيع الرتيبه

    ثم بعد أن ينتهي نقوم بأختيار عضو آخر
    ليحكي لنا عن تفاصيل يومه وكيف يقضيه...

    طبعاً حبذا لوكان التحدث عن يوم عادي وليس يوم إجازه
    وذكر التفاصيل ليكون الموضوع ممتع...

    طبعا كل عضو نختاره ويتكلم عن نفسه بعد ان ينتهي
    نختار عضو ويتكلم عن نفسه وهكذا....

    ملحوظه :
    ان تكون مدة الاجابه يوم وبعدها سنختار عضو جديد


    أول من سنختار
    ....

    نور الايمان

    قديم 10-07-2008, 02:56
    المشاركة 2
    الصورة الرمزية نور الايمان
    نور الايمان
    مشرفة سابقة
    افتراضي
    حرام عليك

    هههههههههههههههههههه

    الاستفتاح

    ماشى

    لى رجعة

    علشان اجمع واتذكر شو بعمل
    ههههههههههههههههه

    ماشى ياعسل
    قديم 10-07-2008, 07:12
    المشاركة 2
    الصورة الرمزية نور الايمان
    نور الايمان
    مشرفة سابقة
    Icon48
    بسم الله الرحمن الرحيم

    انا عادة متوسط استيقاظى من النوم بين (5_7) صباحا طبعا


    عاد لما اصحى الساعة 5 باقوم طبعا باكون مصلى الفجر ثم بأجلس على الكمبيوتر



    بظلنى حتى الثامنة هذا اذا ما كان على جامعة بس لما يكون على جامعة قوم عن الكمبيوتر الساعة 6_30

    طبعا بجهز حالى للجامعة وبطلع 7 علشان بروح بلباص على الجامعة لانه بدى مواصلة ساعة الى ربع

    زكرتونى بمرمط الباص



    يلا ماعلينا



    نرجع

    لما بقوم الساعة 8 عن الكمبيوتر بروح اشوف واجباتى المنزلية من افطور ظب تكنيس

    عجين هههههههههههههههه


    يعنى وعلى حسب الشغل مرة بخلص الساعة 11

    ومرة على 3 ظهر

    وهيك

    والمهم انا بروح على 11 بصلى الضحى

    وبروح بعقد مع ماما او نسوان اخواى وهيك

    لحد الظهر ثم بصلى

    وبنجهز الغذاء حتى يجى البابا

    ثم بنتغذى

    وبعدها بردك بشوف الجلى او بعمل شاى

    يعنى على حسب ترتيب الشغل بينى وبين اختى

    ههههههههههههههههه


    نظامين ما شاء الله علينا

    ههههههههههههههه

    :10011001:

    بعد الغذاء على النوم عدل انا نوم الظهر شىء رئيسى عندى


    انكمل

    بس اصحى طبعا بدى اصلى العصر ثم اعمل شاى للوالد

    وشاى للوالدة

    وشاى الى

    لانا بنحب نشرب الشاى بغليه حجم فنجان وما بنستطعم باى غلاى غيرها


    يعنى لخت شاى

    هههههههههههههه


    وساعتها الساعة بين 6_30 الى 7 مساء

    بعدها بأجلس على الكمبيوتر

    اول شىء باعمله انى بدخل ملتقى طلاب فلسطين

    حتى اقبل ما افتح الايميل او

    اشوف اخبار جامعتى

    ببقى على الكمبيوتر يعنى لقبل المغرب واذا ما قعدت فى هذا الوقت بعقد بعد المغرب

    وبكون اعقده على التلفاز

    ولما اقوم عن الكمبيوتر قبل المغرب بجهز حالى لصلاة المغرب وبصلى لما يأذن وبروح اذكر اذكار المساء وبقرا اشوى بالقران

    وفى اوقات كثير بحب بهذا الوقت اطلع على السطح لوحدى

    واعقد بالعتمه بس مو كثير عتمه

    وببقى لاذان العشاء باذن

    بانزل اصلى واشوف


    شو
















    العشى

    باعمل عشى وبنتعشى


    ثم باجى ساعة على الكمبيوتر 10

    للى 11

    وباقوم على الاغلب


    ثم بروح اسمع الى تعلمته فى يومى معلومة جديدة الى امى وابى وطبعا بقيت العائلة الكريمة

    اسئلة ثقافية

    الغاز

    اسئلة دينية

    مع العلم انا ما بردى اقوم عن الكمبيوتر الى لما اتعلم شىء جديد ومفيد

    لانى اذا ما اتعلمت شىء اجديد

    بحس حالى ما استفدت شىءوضيعت وقتى على شىء فاضى

    بس ما تاخذى فى كلامى انى باجلس كثير على الكمبيوتر

    انا باكون هيك بس فى الاجازة


    اما فى الجامعة


    يا ويلى على

    باعقد بس فى الوقت الضايع





    وبظلنى صاحيه تقريبا للى 12 مساء


    ثم بحط راسى وما بنام

    هههههههههههههههههههه


    بامزح

    وهيك بانتهى يومى اتعيس بهذا الشكل

    حزنتونى

    :1047:


    طيب يلا سعيد الحظى الى بدى اختاره بعدى

    هو







    الدكتور يلا

    شرفنا يادكتور



    :LolLolLolLolLolLolLolLolLolLolLolLol:



    تحياتى الكم

    رهينــــــــــــــالخيال ـــــــــــة
    قديم 10-07-2008, 09:33
    المشاركة 2
    الصورة الرمزية د. حسين رومي
    د. حسين رومي
    مشرف ملتقى طب الاسنان
    Talking يوميات الدكتور
    لا فعلا اختيار تعيس

    مش لاقيه غيري



    هو أنا في عندي يوميات أصلا



    طيب يا ستي

    بنبلش كالتالي

    وقت الاستيقاظ: عادة الساعة 5:30



    بعد الصلاة بنام لــ 7:30

    بعدين بقوم من النوم، بغسل وبلبس وبمشط



    وبتأكد من مفاتيح العيادة والمحفظة والتلفون

    وأهم شيء












    الشيكلين ونص

    :1001:

    إذا ما في معي فراطة بأضطر أشحدهم




    وبعدين، بحدود الساعة 8

    بطلع من البيت وبكون أمامي طريقين

    إما طريق جبلي

    أو طريق ترابي
    بس مش أي تراب تراب ناعم أبيض زي تراب المحاجر
    وعادة لما اكون لابس أسود ما بختار هذه الطريق

    إذا سلكت الطريق الجبلي خلال 4 دقائق بكون وصلت الاسفلت
    وخلال 5 دقائق بكون وصلت موقف السيارات

    وطبعا نفس الوجوه،
    إللي سنتين بركب مع نفس الأشخاص وبركب في نفس المكان
    إما الكرسي الامامي جدا أو الكرسي الخلفي جدا

    ولما أصل للموقف، بركب السيارة
    ولحكم الموقع الغربي الذي تحتله قريتنا،
    علينا أن نتحرك شرقا

    يعني لما أركب السيارة بكون أنا والشمس وجها لوجه
    وعندها تبدأ السيول بالجريان


    بنضل على هذا الوضع من 5- 10 دقائق

    حتى يرزقنا الله براكب أو 2
    أو أن
    يحن الشفير (يعني سائق الفورد تحديدا)علينا شوي،
    وهذا لا يكون إلا بعد أن تكون الشمس قد انتهت من شيك وحرقك

    اما إذاسلكت الطريق الترابي:
    فأحتاج إلى 12 - 15 دقيقة للوصول إلى الاسفلت

    هنا لا يوجد موقف للسيارات، أي علي انتظار قدوم سيارة
    ولكن الميزة أن هناك مكانا تستطيع الاحتماء به من الشمس
    وأحيانا يطول الانتظار جدا وأحيانا لا أنتظر طويلا

    وعندما أصل من قريتي إلى مدينتي
    تكون الساعة إما 8:30 أو تعدتها

    أعرج على محل لنا، وارتشف فنجانا من القهوة، وذلك حسب المزاج

    :n200647:

    ثم أحضر لهم بعض نواقصه

    بعد الانتهاء، أتوجه للعيادة
    أفتح عيادتي في العادة بين 8:30 إلى 9:00

    ونبدأ بالعمل

    تنظيف الادوات وتعقيمها
    تنظيف العيادة وتكنيسها وشطفها
    وإذا كان بداية الشهر، أقوم بتنظيف الدرج

    وبعد الانتهاء تكون الساعة بين 9 و 9:30

    حينما أنتهي، أفتح جهاز الكومبيوتر
    وعلى الملتقى مباشرة



    وأبقى على الملتقى طول يومي

    لا يزحزحني عنه إلا صلاة أو مريض أو مندوب أدوية



    قد أتناول صباحا كأس شاي مع بعض البسكويت أو أي شيء

    قد أتناول الغداء وحيانا كثيرة لا فطور ولا غداء



    وعندما تتعدى الساعة 9:00 مساء

    أتفقد الملتقى سريعا

    ثم أخرج منه ومن الجهاز

    وأغلق عيادتي منصرفا إلى المحل

    ثم إلى البيت

    نصله في تمام 10:00 أو قبل أو بعد العاشرة بقليل

    نتناول العشاء ونتسامر

    وأنام في تمام الساعة 11:00


    كيف هاليوميات؟


    قديم 10-07-2008, 09:37
    المشاركة 2
    الصورة الرمزية د. حسين رومي
    د. حسين رومي
    مشرف ملتقى طب الاسنان
    افتراضي
    شو رأيكم نشوف الحجة ساكورا

    SAKOR
    w a n t e d
    قديم 10-07-2008, 10:20
    المشاركة 2
    الصورة الرمزية م.لحن الحياة
    م.لحن الحياة
    .:: عضو فضي ::.
    Icon7
    يوميات نور حلوة كتييييييييير....


    وكذلك يوميات الدكتور حلوة بعد ....


    بالمناسبة فوتت بالصدفة ....وانصدمت اكتر انوا اكتب عن يومياتى ...بس راح اكتب يلا لنجرب:LolLolLolLol:
    قديم 10-07-2008, 11:01
    المشاركة 2
    الصورة الرمزية م.لحن الحياة
    م.لحن الحياة
    .:: عضو فضي ::.
    Bye1
    مساء الخير جميعا ...

    نبلش من صلاة الفجر ..........:0036:بنصليه بس قبل ما نصليه بنعمل دوووووووشة بالبيت (ضوضاء) مشان تفيئ العيلة كلها :LolLolLolLol:


    بعدين برجع اناااااااااااام للساعة 10 ونص او 11 حسب ما علي مدرسة (ربنا لا يرجعها) او طلعة او جاي علينا حدا وان شاء الله بكرة للجامعة ...
    المهم انا الطريئة يلا بفيئونى فيها اهلى غير شكل ....
    يعنى اول اشى ببعتولى اخوي الصغييييير يصحينى ما صحيت بتجيكوا ماما وبس اسمع اسم ماما من بعيد بصحى ..........مؤدبة صح:LolLolLolLol:

    المهم بئوم من النوم كالعادة بشوف أي واحد من اخوانى وبضربوا وانا ماشية ...اذا شفتوا ...لانه اخواتى بصحوا وبفتحوا على سبيس باور من الصبح .....وبعلوه على الآخر مجاكرة يعنى ...

    المهم بشوف الفطووووووور وعلى هوا كرم ماما الصبح عاملة فطووووور ولا لأ اذا مو عاملة جد ما بفطر............يا اما اذا جوعانة بآكل اي شغلة موجودة......
    بعدين شو بعمل ........:10191019:

    اها الشغل بالبيت ...

    بما انى ما فيه الا انا بنت بالبيت اكيد الشغل علي انا وماما تئبرنى

    المهم شوي ترتيب على مساعدة هون وهون ....

    وكالعادة بطل على الدرج عنى وبشوف ستى ....وبصبح عليها

    الساعة 12 بنخلص شغل البيت ...

    الساعة 12 بفتح جهازي وبتركوا ....

    بروح بتسلى مع العيلة ....اذا ما علي طلعة
    بتئاتل انا واخوي اي واحد فيهم المهم...
    بشوف الوالدة شو عاملة غدا ومتى بستوي .........وهالكلام

    ثم بيجى بابا بئعد معه ........وببقى هيك لما تصير الساعة 2 ونص

    وبعدين شو :101910191019:

    ايه بئعد على النت صحيح ئعدتى مع روحي ...أختى ....

    وببئى معها ئاعدة على النت لما هيا تقوم او انا احكيلها يلا ئومي ...

    وهيك بتكون الساعة 5 بئوم ...بتسلى مع العيلة شوي يعنى ئعدة عائلية شاي وممكن حليب يعنى هيك اشيا وبنئعد على التلفزيون ... وخدي شكاوي من اخواتى هيدا بيحكي بابا ضربنى
    بابا غلط علي ..بابا .....................وييييييييييي ما بنخلص من شكاويهم ...


    الساعة 6 ونص برجع على النت بشوف الملتقى ...والشغلات يلا علي اسويها وعندي كم شغلة منزلاها بقرأها بتعلم شوي وهيك اشيا. ............ وببئى للساعة 7ونص

    بعدين بطلع فوئ عنا بالبيت بجتمعوا كل عمامى ونسوانهم والشغلات هاي بتسلى معهم ...بس مو دايما بطلع .....

    الساعة9 ونص الى 11 او 12 بئعد مع اختى وبنت عمتى لازم جلسة عائلية على النت طبعا لانه كل وحدة بمنطئة وبلد متل ما بحكوا. .....

    وبعد 12 انا اتعودت من ايام توجيهى ولسة العادة ممبرمجة عندي ...

    يعنى ببئى فايئة للساعة 2 ممكن او 1 حسب ....
    وبعدين برتاح شوي ...وبعدين نوم نوم باذن الله :LolLolLolLolLolLolLolLol:

    (ارقات الصلاة وقراءة القرآن شئ اساسى او مقدس باليوم لذلك يعتبر اكيد عادة عند الجميع فلم ازكره)
    ***************هيدا من غير مدرسة كنت بالمدرسة طول اليوم دراسة صلاة وبس لا حكى لانت لا تلفاز والاكل بيجى لعندي نوم اربع ساعات فقط لا غير هيدا آخر شهرين جدولي ******* ...:LolLolLolLolLolLolLolLolLolLolLolLol:


    بملل يومي نوعا ما بس لا يخلوا من طلعة :LolLolLolLolLolLolLolLol:

    يلا بعدي يا جماعة ....


    عيوووووووووووووووون اسلامية دووووووورك يا خيتىموضوعك روعة متلك
    قديم 12-07-2008, 01:00
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    شكراااااااااااااا لكم جميعا

    باخص نور علشان فعلت الموضوع بدون ما يزعل حد

    بكرة ان شاء الله برد علشان نعسانة وتعبانة معلش خلفت النظام سمحوني

    بشكر ساكورا علي اختياري
    قديم 12-07-2008, 01:21
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    مرحبا واهلا وسهلا فيكم
    ايام الاجازة بصحي اصلي الفجر برجع انام بعدها بصحا 10
    طبعا بعمل افطور وبنفطر
    بعدها تبدا حملة تنظيفات في البيت لانه كل يوم الناس رايحة جاية علينا علشان اخي
    بقعد علي النت الضهر طبعا بعد الصلاة تقريبا ساعة او اكتر
    بنقعد مع الناس الي بيجوا بقدم لضيافة وبنجلي
    محسبتكم ما طتلع الا لضرورة علشان امي ما اضل لحالها
    بصلي المغرب كالعادة بيجوا دار اعمامي وعماتي بعد ما يروحوا الناس
    بنظل قاعدين وحدة في الليل بعدها بقعد علي النت
    بعدها بنام ويبدا يوم جديد اكيد مليتوااااا من كتر الحكي ورتين
    هلا بختار حزرووووووووووو مين


    وردة الحب
    قديم 13-07-2008, 05:56
    المشاركة 2
    الصورة الرمزية فراشة القمر
    فراشة القمر
    ...:::: عضو ذهبي ::::...
    افتراضي
    يومياتكم حلوة
    ومشكورة عيون الموضوع غاية فى الروعة
    دكتور بامكانك بعد علاج المريض تعطيه رابط المنتدى
    هيك بنكسب
    ههههههههههههههههههههههههه
    قديم 13-07-2008, 07:33
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    شكرااااا لمرورك الرائع وان شاء الله بنشوف يومياتك
    قديم 13-09-2008, 03:08
    المشاركة 2
    الصورة الرمزية د. حسين رومي
    د. حسين رومي
    مشرف ملتقى طب الاسنان
    افتراضي
    بما أنه الأخت وردة الحب، تركت الملتقى هالأيام

    بدنا نختار عضو جديد

    ولا شو رأيك ست عيون؟


    قديم 13-09-2008, 10:55
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    بختار لحن الحياة

    شو دكتور منيح بلغها بذلك
    قديم 14-09-2008, 01:30
    المشاركة 2
    الصورة الرمزية نور الايمان
    نور الايمان
    مشرفة سابقة
    افتراضي
    مرحبا عيون كيفك؟

    لحن الحياة هى ساكورا يعنى كتبت يومياتها

    شو رأيك انشوف دموع غزة

    اذا موافقة خبريها
    قديم 15-09-2008, 05:48
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    انا موافقة يا نور الايمان
    قديم 19-09-2008, 10:04
    المشاركة 2
    الصورة الرمزية شمعه الاسلام
    شمعه الاسلام
    .:: عضو ::.
    افتراضي
    مرحبا
    ههههههههههههههههههههههه
    يومياتكم كتير حلوه عجبتني الله يعطيك الف عافيه دكتور عيون مشكور ونور كمان يومايتك روعه باي
    قديم 20-09-2008, 05:20
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    يا شمعة شو رايك تكتبي يومياتك
    قديم 07-10-2008, 08:36
    المشاركة 2
    الصورة الرمزية ahmad2005il
    ahmad2005il
    .:: عضو نشيط ::.
    افتراضي
    موضوع كتير حلو
    وفيه منتعرف على العضاء ويومياتهم

    على فكرة اليوميات كلها حلوة بس عندي تعليق على يوميات لحن الحياة

    هو انتي مشكلجية لهدرجة على الروحة والجية بتضربي اخوتك


    احكي لشمعة تستعجل يا دكتور

    ودكتور ازا ما معك فراطة وما لقيت
    انا دائما مع فراطة وانا بكرها ببقى افرطلك بالزنقات

    بدل ما اختي الصغيرة تاخدهم من جيبتي كالعادة

    مع تحياتي
    قديم 10-10-2008, 12:36
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    مشكور احمد لمرورك الطيب
    قديم 12-10-2008, 08:15
    المشاركة 2
    الصورة الرمزية م.لحن الحياة
    م.لحن الحياة
    .:: عضو فضي ::.
    Icon7
    اقتباس:

    على فكرة اليوميات كلها حلوة بس عندي تعليق على يوميات لحن الحياة

    هو انتي مشكلجية لهدرجة على الروحة والجية بتضربي اخوتك
    الله وكيلك كانت يوميات ايام الاجازة ..
    هلأ يا دوب عم بشوفهم .... الا فترة الدراسة ..:LolLolLolLol:

    بس مو مشكلجية انا :1047:
    قديم 13-10-2008, 10:22
    المشاركة 2
    الصورة الرمزية بنت القمر
    بنت القمر
    .:: عضو برونزي ::.
    افتراضي
    شو خلصتو هيك وينكم يا جماعة !! يلا خلينا نكمل
    والله اللي بسمعني بفكرني فاضية اشغال
    قديم 14-10-2008, 12:13
    المشاركة 2
    الصورة الرمزية نور الايمان
    نور الايمان
    مشرفة سابقة
    افتراضي
    اسمعى انا عن عيون اسلامية بقلك شو رايك تكتبيلنا عن يومياتك يا بدور
    قديم 14-10-2008, 03:30
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    اتا موافقة يا نور يا بدور
    تكرم عيونكم انتو تنتين
    قديم 15-10-2008, 08:05
    المشاركة 2
    الصورة الرمزية ahmad2005il
    ahmad2005il
    .:: عضو نشيط ::.
    افتراضي
    اها فكرة حلوة وينك يا بدور تكتبيلنا عن يومياتك


    مع تحياتي
    قديم 17-10-2008, 08:54
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    وينك بدور بسرعة تعالي مطلوبة
    قديم 20-10-2008, 09:32
    المشاركة 2
    الصورة الرمزية ahmad2005il
    ahmad2005il
    .:: عضو نشيط ::.
    افتراضي
    انا بحكي حد يبعتلها رسالة خاصة
    قديم 26-10-2008, 08:28
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    انتو اختاروا حد تاني بس يجي ويكتب
    قديم 27-10-2008, 09:52
    المشاركة 2
    الصورة الرمزية ahmad2005il
    ahmad2005il
    .:: عضو نشيط ::.
    افتراضي
    طيب ليش ما انتي تختاري يا عيون
    قديم 27-10-2008, 09:55
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    انت يا احمد اكتب يومياتك
    قديم 07-11-2008, 10:32
    المشاركة 2
    الصورة الرمزية حماده
    حماده
    .:: عضو ::.
    افتراضي
    وان بدي اشارك في الموضوع
    اولأ استيقظ الساعه 6 واحضر دروسي اليوميه ومن ثم اذهب الى المدرسه الساعه 6.5
    وتنتهي المدرسه الساعه1.5 واصل البيت مشيا على الاقدام 2 .
    ومن ثم ارتاح ربع ساعه ومن ثم اكل الغذاء.
    وبعد ذلك اقرأ دروسي من 3 الى 6
    واذا كان علي امتحان ل7
    ومن ثم اذهب لنادي الرياضي لمده 1ساعه
    ومن ثم اتعشى وبعدها اراجع الامتحان ل8.5
    ثم اذهب للنوم
    ويوم الخميس والجمعه اقعد على الكمبيوتر 5 سعات
    قديم 07-11-2008, 10:44
    المشاركة 2
    الصورة الرمزية أمير رفح
    أمير رفح
    .:: عضو نشيط ::.
    افتراضي
    والله يوميات منيحة

    ههههههههههههههههه

    ربنا يوفقكم
    قديم 08-11-2008, 08:55
    المشاركة 2
    الصورة الرمزية ahmad2005il
    ahmad2005il
    .:: عضو نشيط ::.
    افتراضي
    انا اسف الكمبيوتر كان خربان وحالتو حالة

    انا بفيء بعد 100 نشفان ريق على قولت امي
    طبعا بلفو كل ادار علشان يصحوني وكمان 10 منبهات بعديها يمكن اصحا ويمكن لا

    بعدين بقوم بلبس وبح ريحا
    بعديها بروح على المدرسة
    طبعا في طريق طويلة علشان اوصل الشارع الرئيسي وعندنا مدرسة بنات مش مؤدبات
    وبعلقو على الرايح والجاي
    المهم بوصل المدرسة بقعد مع الشباب لحد ما يرن الجرس
    وبالحصص يا بنتبه على الاستاز يا مننكش على الاساتذة يا منلعب بالبلفونات
    يا منسوي حرب المهم منقضيه هاليوم ( بقولو انا توجيهي)

    بروح مشي على الدار منتمشى انا والشباب بوصل بتغدا وبعديها بدرس شوي
    بعدين بقعد على النت بدردش مع الصحاب على الايميل والفايس بوك
    وعلى الملتقى دايما زي فرض الصلاة

    بعديها بيجي ابوي بقعد معا ومنحضر على التلفزيزن اكتر المرات توم اند جيري
    بعديها بقوم بدرس لحد ما اخلص يمكن تسحب لل صبح
    حسب الوضع بالدراسة واكم امتحان عندنا

    واهاد هو يومي المدرسي
    بالعطلة يا بطلع مع الشباب يا بالمصنع يا بالمحل (يعني بساعد ابوي)

    وهادي هي حياتي
    انشالله تعجبكم
    قديم 08-11-2008, 09:13
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    اكيد بتعجبناه مشكور تعبناك معنا
    هلقيت دور امير رفح
    قديم 08-11-2008, 09:55
    المشاركة 2
    الصورة الرمزية أمير رفح
    أمير رفح
    .:: عضو نشيط ::.
    افتراضي
    هههههههه

    والله انا الي فترة بقوم من النوم على الساعة 8 يعني أول محاضرة بقول الها باي باي
    بروح على الجامعة
    بظل هونيك لساعة 5 أو 6 وعندي وقت فاض من 1 الى 3 فهاد بكون منو صلاة وأكل وزي هيك (سبب التأخر اني بأخذ دورات كمبيوتر)
    بروح من الجامعة (من غزة) على البيت (رفح) بوصل الساعة 7
    بكون عندي دورة تانية من 7 لحد 9
    وبعد 9 بروح على البيت
    وبروح على المطبخ عدل ههههه
    فبكون شايف الديك أرنب

    ههههههه

    وهكذا يتم قضاء اليوم التعيس
    قديم 09-11-2008, 09:40
    المشاركة 2
    الصورة الرمزية د. حسين رومي
    د. حسين رومي
    مشرف ملتقى طب الاسنان
    افتراضي
    اقتباس:
    طبعا في طريق طويلة علشان اوصل الشارع الرئيسي وعندنا مدرسة بنات مش مؤدبات
    وبعلقو على الرايح والجاي
    حلووووو :LolLolLolLol:

    طيب احكيلنا شو بعلقن عليك تحديدا؟؟؟؟

    لأنه هذا جزء من اليوميات :LolLolLolLol:
    قديم 10-11-2008, 10:20
    المشاركة 2
    الصورة الرمزية بنت القمر
    بنت القمر
    .:: عضو برونزي ::.
    افتراضي
    مرحبا كيفكم؟؟
    راح احكيلكم يومياتي.. يلا اقرؤا منيح هههههههههه
    بصحا اكيد عالفجر او أبل بشوي عشان اصلي الوتر
    حسب التوقيت الصيفي بنطلع عالجامعة عطول ايام بفطر وايام لأ حسب اذا ماما صحيت او لأ...
    وبالتوقيت الشتوي طبعا بكون فيه ساعة واشي تئريبا عبيل ما نطلع عالجامعة ..بنام او بدرس ..حسب مزاجي
    المهم باخد هالمحاضرات اشي بجنن واشي بطلع الروح واوقات فراغي بحضر مادة اضافية غالبا وبعيش عالنت
    بروح عالبيت بكير شوي او متأخرة بسبب المختبرات (طبعا يومها بفضل اصوم لاني ما برجع الا وقت المغرب وحاليا على العشا ) بوصل البيت وبسأل عن الأكل اذا كان زاكي هينا اكلنا ..واذا مش بزيادة بروح عالتلاجة وباكل اي شي نواشف طبعا بدون ما ماما تشوف!!!!
    هاد كله اذا كان اصلا جاهز..(لأ حرام) ,بساعد ماما أبل الغدا او بعده
    واذا في علي امتحان بروح ادرس عطول متل حكاية مبارح لأ والمشكلة انو الامتحان open book اول مرة بجربها !!! واذا ما كان ,بروح ادرس حسب مزاجي وساعة بدرس وساعة عالنت وساعة شاي وما بعرف وينّّّّ ..وهيك حتى ارسو على ميناء الدراسة للساعة 11او 12 وبحط راسي وبنام .(.طبعا لا يخلو يومي من الصلاة ) ..طبعا نادر ما انام في النهار ..الله وكيلكم مستحيل !!!!!!!!!!_نفسي اعملها بس ما بعرف_
    هو بصراحة كل يوم شكل ..ولا يوم متل التاني !!!!!!!!!!!!
    كيف ؟؟؟؟ من الآخر صح !!!!!
    قديم 10-11-2008, 11:30
    المشاركة 2
    الصورة الرمزية o_qq
    o_qq
    .:: عضو ::.
    افتراضي
    اقتباس:
    المشاركة الأصلية كتبت بواسطة the-dentist مشاهدة المشاركة
    لا فعلا اختيار تعيس

    مش لاقيه غيري



    هو أنا في عندي يوميات أصلا



    طيب يا ستي

    بنبلش كالتالي

    وقت الاستيقاظ: عادة الساعة 5:30



    بعد الصلاة بنام لــ 7:30

    بعدين بقوم من النوم، بغسل وبلبس وبمشط



    وبتأكد من مفاتيح العيادة والمحفظة والتلفون

    وأهم شيء












    الشيكلين ونص

    :1001:

    إذا ما في معي فراطة بأضطر أشحدهم




    وبعدين، بحدود الساعة 8

    بطلع من البيت وبكون أمامي طريقين

    إما طريق جبلي

    أو طريق ترابي
    بس مش أي تراب تراب ناعم أبيض زي تراب المحاجر
    وعادة لما اكون لابس أسود ما بختار هذه الطريق:d

    إذا سلكت الطريق الجبلي خلال 4 دقائق بكون وصلت الاسفلت
    وخلال 5 دقائق بكون وصلت موقف السيارات

    وطبعا نفس الوجوه،
    إللي سنتين بركب مع نفس الأشخاص وبركب في نفس المكان
    إما الكرسي الامامي جدا أو الكرسي الخلفي جدا

    ولما أصل للموقف، بركب السيارة
    ولحكم الموقع الغربي الذي تحتله قريتنا،
    علينا أن نتحرك شرقا

    يعني لما أركب السيارة بكون أنا والشمس وجها لوجه
    وعندها تبدأ السيول بالجريان


    بنضل على هذا الوضع من 5- 10 دقائق

    حتى يرزقنا الله براكب أو 2
    أو أن
    يحن الشفير (يعني سائق الفورد تحديدا)علينا شوي،
    وهذا لا يكون إلا بعد أن تكون الشمس قد انتهت من شيك وحرقك

    اما إذاسلكت الطريق الترابي:
    فأحتاج إلى 12 - 15 دقيقة للوصول إلى الاسفلت

    هنا لا يوجد موقف للسيارات، أي علي انتظار قدوم سيارة
    ولكن الميزة أن هناك مكانا تستطيع الاحتماء به من الشمس
    وأحيانا يطول الانتظار جدا وأحيانا لا أنتظر طويلا

    وعندما أصل من قريتي إلى مدينتي
    تكون الساعة إما 8:30 أو تعدتها

    أعرج على محل لنا، وارتشف فنجانا من القهوة، وذلك حسب المزاج

    :n200647:

    ثم أحضر لهم بعض نواقصه

    بعد الانتهاء، أتوجه للعيادة
    أفتح عيادتي في العادة بين 8:30 إلى 9:00

    ونبدأ بالعمل

    تنظيف الادوات وتعقيمها
    تنظيف العيادة وتكنيسها وشطفها
    وإذا كان بداية الشهر، أقوم بتنظيف الدرج

    وبعد الانتهاء تكون الساعة بين 9 و 9:30

    حينما أنتهي، أفتح جهاز الكومبيوتر
    وعلى الملتقى مباشرة



    وأبقى على الملتقى طول يومي

    لا يزحزحني عنه إلا صلاة أو مريض أو مندوب أدوية



    قد أتناول صباحا كأس شاي مع بعض البسكويت أو أي شيء

    قد أتناول الغداء وحيانا كثيرة لا فطور ولا غداء



    وعندما تتعدى الساعة 9:00 مساء

    أتفقد الملتقى سريعا

    ثم أخرج منه ومن الجهاز

    وأغلق عيادتي منصرفا إلى المحل

    ثم إلى البيت

    نصله في تمام 10:00 أو قبل أو بعد العاشرة بقليل

    نتناول العشاء ونتسامر

    وأنام في تمام الساعة 11:00


    كيف هاليوميات؟


    الله يكون بالعون على هيك معاناه
    قديم 10-11-2008, 09:33
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    مشكورين جميعا علي المرور الرائع
    وانا بختار


    ابن فلسطين
    قديم 13-11-2008, 07:37
    المشاركة 2
    الصورة الرمزية ahmad2005il
    ahmad2005il
    .:: عضو نشيط ::.
    افتراضي
    اقتباس:
    المشاركة الأصلية كتبت بواسطة the-dentist مشاهدة المشاركة

    حلووووو :LolLolLolLol:

    طيب احكيلنا شو بعلقن عليك تحديدا؟؟؟؟

    لأنه هذا جزء من اليوميات :LolLolLolLol:
    طيب على راسي
    اول اشي بدي احكي عن حالي شوي
    بس ما تحكو عني مغرور والله ما انا مغرور بس حبيت اوضح ليش البنات بعلقو
    انا حسب كلام البعض اني حلو(يمكن بجاملو ما بعرف)
    انا عيوني ملوزين
    والكل بحكي انو عندي ستايل حلو بالملابس وكل شي(عندنا مصنع ملابس ومحل ملابس)
    وطبعا الشعر عندي بزبطو ويقعد على المراية اكتر من البنات يمكن
    انا مش على اشي بسوي هيك بس بحب اكون مرتب دائما
    (وهادي الاشياء انسيت ازكرها باليوميات)

    مثلا ازا كنت لابس بلوزة اورنج بحكوا شوفو هالاورنج
    وبحكولي (عينيك حلوين) هاي كتير بسمعها لدرجة اني بخاف على عيوني منهم

    وهيك كتير وهادا الاشي صار جزء من حياتي اليومية

    انشالله يعجبك يا دكتور:LolLolLolLol:
    قديم 16-11-2008, 11:16
    المشاركة 2
    الصورة الرمزية o_qq
    o_qq
    .:: عضو ::.
    افتراضي
    أُمسي وأصبح والذكرى مجددة
    محفورة في طوايا النفس للأبد
    قديم 07-12-2008, 10:50
    المشاركة 2
    الصورة الرمزية م.لحن الحياة
    م.لحن الحياة
    .:: عضو فضي ::.
    افتراضي
    مممم يومياتكم كتير حلوة ...

    شو رأيك يا عيون اي حدا يفوت هون يخبرنا عن يومياتوا بدون تحديد اي شخص ..

    *********
    مع احترامي لرأيكم
    قديم 09-12-2008, 01:02
    المشاركة 2
    الصورة الرمزية عيون اسلامية
    عيون اسلامية
    .:: عضو قدير ::.
    افتراضي
    انا موافقة لحن الحياة
    قديم 12-02-2009, 10:52
    المشاركة 2
    الصورة الرمزية بنت القمر
    بنت القمر
    .:: عضو برونزي ::.
    افتراضي
    شو رايكم نخلي الاستاز احمد يحكيلنا عن يومياته ؟؟؟
    اضافة رد

    مواقع النشر (المفضلة)

    الكلمات الدلالية (Tags)
    حياة , يـــــوم , عضـــــو , فــــــي

    أدوات الموضوع

    الساعة الآن 07:40.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة لملتقى طلاب فلسطين
    •  
    •  
    •  
    Powered by vBulletin® Version 3.8.8
    Copyright ©2000 - 2021, Jelsoft Enterprises Ltd.