نتائج التوجيهي 2021 فلسطين

استراحة الملتقى هنا يجد أعضاء الملتقى الكرام ما يسليهم ويروح عن أنفسهم,تسلية ترويح,العاب,لعب,نكشة راس,فرفشة,ضحك,نرفيه,جوائز,games

الفرق بين الزوجه الفلسطينيه و الزوجه السوريه

الصورة الرمزية DR. FUNK
DR. FUNK
مشرف سابق
تاريخ الإنضمام: 012007
رقم العضوية : 275
الدولة : jerusalem
المشاركات: 2,584
قديم 29-01-2007, 09:01
المشاركة 1
نشاط DR. FUNK
  • قوة السمعة : 61
    افتراضي الفرق بين الزوجه الفلسطينيه و الزوجه السوريه
    الزوجه, السوريه, الفلسطينيه, الفرق, بين

    ‏الفرق ‏بين الزوجة ‏الفلسطينيه والسورية






    اذا وقع زوجها عن الدرج:


    السوريه : ‏ولي على آمتي، سلامتك حبيبي أنشاء الله ، انا ولا ‏انتا ابن عمي ( ميته خوف عليه )

    الفلسطينيه : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)


    اذا الزوج بدو يسافر:


    السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

    الفلسطينيه :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

    إذا الزوج تأخر بره فى شغل او مع صديق:

    السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )


    الفلسطينيه : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)


    إذا طلبت شى منه :


    السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

    الفلسطينيه : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )


    إذا جابلها هدية :

    السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري

    الفلسطينيه : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )

    اذا بدك شي منها :



    السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي

    الفلسطينيه : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.


    لو طلبت منها فنجان قهوة :



    السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )

    الفلسطينيه : بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

    اذا حكالها (بدك شي؟) وهو طالع :

    السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )

    الفلسطينيه : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.


    الذوق والتنويع فى الاكل:

    السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

    الفلسطينيه : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.

    طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.

    وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) .... خليها تروح يمكن تنفتح نفسك وتاكل زي الخلق.
    قديم 29-01-2007, 09:21
    المشاركة 2
    الصورة الرمزية فلسطيني
    فلسطيني
    .:: عضو جديد ::.
    افتراضي
    اه والله بهاي انتم معكم حق اي البنات الفلسطينيات بجلطن وين السوريات و وين الفلسطينيات هههههههههههه
    قديم 29-01-2007, 11:38
    المشاركة 2
    الصورة الرمزية S M S
    S M S
    مشرف سابق
    افتراضي
    هههههههههههههههههههههههههههههه
    ههههههههههههههههههههههههههه
    هههههههههههههههههههههههه
    ههههههههههههههههههههههه
    ههههههههههههههههههه
    ههههههههههههههههه
    هههههههههههههه
    ههههههههههه
    هههههههه
    هههههه
    هههه
    هه
    ه


    ولك شو هادا الله ليبظرزلك يا ابرااهييم
    قديم 30-01-2007, 12:05
    المشاركة 2
    الصورة الرمزية Mr. Vista
    Mr. Vista
    عضو مجلس ادارة سابق
    افتراضي
    اقتباس:
    السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي
    يا حبيبي عالرومنسية

    هههههههه
    قديم 30-01-2007, 12:52
    المشاركة 2
    الصورة الرمزية ABDONE
    ABDONE
    .:: عضو مميز ::.
    افتراضي
    تسلم برهووووم على هيك مواضيع


    على راي شب صاحبي بيحكيلي ( لما تحكيلي تؤبر البي ابن عمي ) هاي لحالها الكلمة بدهم بنات فسطين 100 سنه حتى يعرفن كيف يحكين مع ازاجهن طبعا انا احكي ( البعض وليس الكل )

    هاي الكلمة لحالها تخلينا ادووووووووووووووووووب




    ما في بعد السوريات ؟



    ابو الورد
    قديم 30-01-2007, 10:42
    المشاركة 2
    الصورة الرمزية souria83
    souria83
    .:: عضو نشيط ::.
    افتراضي


    شو هالحكي

    بس والله بنات فلسطين مافي منهم متل العسل

    انا اكتر رفقاتي من فلسطين


    شكرا
    قديم 31-01-2007, 11:47
    المشاركة 2
    الصورة الرمزية نور الهدى
    نور الهدى
    .:: عضو مميز ::.
    افتراضي
    الله يسامحكم عاد هيك بتبهدلونا امام السورية
    كيف لو نحكي عنكم شباب فلسطين مش راح انخلص
    ان شاء الله منورجيكم شوبدنا نعمل .............
    ...........مش هيك بنات ؟؟؟؟؟؟؟
    قديم 01-02-2007, 01:21
    المشاركة 2
    الصورة الرمزية souria83
    souria83
    .:: عضو نشيط ::.
    افتراضي
    هههههههههههههههههه

    والله مافي بعد بنات فلسطين

    بس بدهم مين يقدرهم

    والله بنت فلسطين جوهرة
    قديم 01-02-2007, 11:56
    المشاركة 2
    الصورة الرمزية Mr. Vista
    Mr. Vista
    عضو مجلس ادارة سابق
    افتراضي
    انا مصر انه السوريات بالحكي اشطر من الفلسطينيات

    شو خص مصر بسوريا ههههه
    قديم 01-02-2007, 08:43
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههههههههه
    شباب انا كتبت الموضوع عشان تضحكوا مش عشان ننزل طوش ببعض .
    :1001:
    قديم 24-02-2007, 07:34
    المشاركة 2
    الصورة الرمزية عاشق المستبدة
    عاشق المستبدة
    .:: عضو مبدع ::.
    افتراضي
    هههههههههههههههههههههههه
    قديم 24-02-2007, 10:46
    المشاركة 2
    الصورة الرمزية النجمة الحائرة
    النجمة الحائرة
    مشرفة سابقة و متميزة
    افتراضي
    لا اسم الله عليكم تحكي انتو اللي بتشرحو القلب

    حبيبة قلبي سورية والله انك بتفهمي
    قديم 08-04-2007, 08:49
    المشاركة 2
    الصورة الرمزية اوس البرغوثي
    عضوية مجمدة
    افتراضي
    لا السوريه احسن اكيد في ماملتها واكلها
    بس الفلسطينيه بكفي انو اسمها فلسطينيه

    مشكو ر
    قديم 08-04-2007, 11:52
    المشاركة 2
    الصورة الرمزية همـ العيون ـس
    همـ العيون ـس
    .:: عضو مميز ::.
    افتراضي
    هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه



    بيجنن الموضوع ,, فقعتني ضحك والله ,, بس بهدلتنا حرام عليك لهالدرجة احنا عاطلين !!

    شكرا على العموم ضحكتنا

    قديم 09-04-2007, 12:12
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    هههههههه

    شكرا عالمرور الجميل أوس و همس



    حلوة هاي أوس و همس خخخخخ

    عاد هاد الموضوع صارلو زمااااااان
    قديم 10-06-2007, 10:40
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    :003600360036:

    موضوع بايت من مواضيعي
    قديم 10-06-2007, 10:58
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    مش ممكن يا د. فنك تصور من شيء يومين حذفت موضوع نفس هاد وبعرف انه الموضوع المكرروالحين لما دخلت ما لقيت رد الي .وين باقي انا

    بس نكشة عن جد :LolLolLolLol:
    الصبايا فقعوا :LolLolLolLol:
    قديم 10-06-2007, 11:37
    المشاركة 2
    الصورة الرمزية DR. FUNK
    DR. FUNK
    مشرف سابق
    افتراضي
    خخخخخخخخ

    اه احلى ابو يزن

    مشكوووور عالمرور

    اضافة رد

    مواقع النشر (المفضلة)

    الكلمات الدلالية (Tags)
    الزوجه , السوريه , الفلسطينيه , الفرق , بين

    أدوات الموضوع

    الساعة الآن 08:42.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة لملتقى طلاب فلسطين
    •  
    •  
    •  
    Powered by vBulletin® Version 3.8.8
    Copyright ©2000 - 2021, Jelsoft Enterprises Ltd.