نتائج التوجيهي 2021 فلسطين

الملتقى الفلسطيني العام هذا القسم مخصص لكل المواضيع المتعلقة بوطننا الحبيب فلسطين

قصوا لسان...

الصورة الرمزية بياع الكعك
عضوية مجمدة
تاريخ الإنضمام: 112007
رقم العضوية : 1660
المشاركات: 69
قديم 25-11-2007, 06:20
المشاركة 1
نشاط
  • قوة السمعة : 42
    Smi76 قصوا لسان...
    مشان, قصوا

    ممنوع تعلق... ممنوع تتخرف.. ممنوع تكتب... ممنوع تكرا.. ممنوع تعطي رايك... حتى ممنوع تسمع... ممنوع توافك... ممنوع تعترظ.. ممنوع تلاخم... ممنوع تنبذ.. ممنوع تمسح جوخ.. ممنوع تظحك.. ممنوع تستفرغ.. ممنوع إتلبِس.. ممنوع إتشَلِح... ممنوع تأيد.. ممنوع تستنكر..
    وبما انو كل طرف صار بالنسبة للثاني مشبوه... يعني معقول البلد كلها تصير مشبوهة؟؟؟
    الاطراف بتصرح... وبتدك من اول وجديد وهالمرة هي المرة الوسخة... والتصريحات مش للخير... واللي بدو يصرح للم الشمل وللاصلاح بتسكر ثمو... وبنكص لسان كل واحد بدو يعبر للمصلحة الوطنية...
    بكول من ورا هالعربية... مش مهم ارظ محتلة ي***ها اييا ولد من ولاد البلد... المهم انو ولاد البلد ما ينسوا انهم لسه... ولاد..بلد...
    الكظية لازمها سواعد متحدة حتى تعمر...والحك على الجميع... ولا تهون.... وطاولة الزهر ما بلعبها واحد لحالوا عمي.... والحكي للي حاربوا مع بعظ.. حتى إتحاربوا مع بعظ.... للثوار اللي ما حرروا الدار... للي حولوا البلد لحبايل.. عشان تسع المخاتير والحمايل... وكثرة المخاتير والكبار... الوطن بطل يوسع انو كل واحد يلم جماعتوا في منطكة ويسكر عليهم ويكيم دولة خاصة...... وتصير كظيتنا الكتل مشان الكرسي...
    وحتى يكون في محل مش بطال لكل واحد كبير وجماعتو من الاطراف المتنازعة... وبما انها الارظ زغيرة..لازم تخش بلا مؤاخذه في اراظي الجيران.. بعد الحدود.. او مثلا بعد السور السافل ... وبدك تحسب حساب ابو خمسين كيلو للكوات الدولية عشان يفصلوا بينهم...و ما تعودش تولع من اول وجديد...
    وبهالطريكة... والله اعلم ممكن نكدر نوسع ارظنا كثير ونطلع الاحتلال؟؟؟ ويمكن بعد اكم سنه نتوسع ازود لحد ما نحتل العالم كلو...... والله ممكن... ليش لأ..... عن جد....
    كعكعكعكععييييييييك
    قديم 26-11-2007, 04:47
    المشاركة 2
    الصورة الرمزية ابو صفيه
    عضوية مجمدة
    افتراضي
    الله يكون بالعون

    ما بقدر نعمل اشي بالوقت الحاضر

    بطلنا عارفين مين عدونا حماس ولللا فتح وللا العدو الاساسي اسرائيل

    الله يقدرنا ونقدر نطلها

    بعين الله
    قديم 26-11-2007, 07:28
    المشاركة 2
    الصورة الرمزية بياع الكعك
    عضوية مجمدة
    افتراضي
    شكرا الك ابو صفية على ردودك المعبرة
    قديم 26-11-2007, 10:31
    المشاركة 2
    الصورة الرمزية Eng-lian
    Eng-lian
    ضيف
    افتراضي
    اقتباس:
    المشاركة الأصلية كتبت بواسطة بياع الكعك مشاهدة المشاركة
    الوطن بطل يوسع انو كل واحد يلم جماعتوا في منطكة ويسكر عليهم ويكيم دولة خاصة...... وتصير كظيتنا الكتل مشان الكرسي...

    بحييك خييي على الأسلوب الرائع بالتعبيرحابة علق على كلماتك
    انه الانسان بعمره ما بيجري وبيصل للكرسي بهمجيته وخاصة ان كان هالكرسي كرسي مقدس كرسي بيحمل هم اعظم واقدس قضية بالعالم ووهيي قضية فلسطين والقدس
    يعني لو بدنا نحكي عن خلافاتنا السياسية كل واحد بشرعيته يعني الرئيس نزل انتخابات وفاز وما فينا نحكي انه مو رئيس وما فينا نحكي انه فرض حاله بالهمجية علينا يعني الكرسي نحنا يلي جيبناه لاله:LolLolLolLol:
    والتشريعي بالمثل نحنا يلي انتخبنا ونحنا يلي قدرنا ونحنا يلي اعطينا كل واحد حئه وبهيك نحنا يلي اعطينا الكرسي يلي بيستاهلوه :LolLolLolLol:
    بس المشكلة انه في قضية اتنست وفي لاجئين ضاعو وفي هموم شعب كلها راحت بسبب خلافات في برامج سياسية لكل من الطرفين وبالنهاية نحنا يلي بنتحمل المسئولية لأنه نحنا يلي اخترنا واعطينا هالكرسي لهالعالم يعني نحنا السبب بكل شي .
    كترت حكي كتيييييييير بس بحب احكي كل يلي بخاطري بدك تعزرني
    تحياتي لالك مرة تانية

    قديم 26-11-2007, 10:43
    المشاركة 2
    الصورة الرمزية بياع الكعك
    عضوية مجمدة
    افتراضي
    شكراااااااااااااااااااااا لاهتمامك ومبين عليكي ما شالله عنك
    كعيككككككككككككككككك
    خلينا نشوفك
    اضافة رد

    مواقع النشر (المفضلة)

    الكلمات الدلالية (Tags)
    مشان , قصوا

    أدوات الموضوع

    الساعة الآن 04:40.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)