نتائج التوجيهي 2021 فلسطين

الملتقى الفلسطيني العام هذا القسم مخصص لكل المواضيع المتعلقة بوطننا الحبيب فلسطين

مش راح نشلح ازود من هيك

الصورة الرمزية بياع الكعك
عضوية مجمدة
تاريخ الإنضمام: 112007
رقم العضوية : 1660
المشاركات: 69
قديم 15-11-2007, 03:47
المشاركة 1
نشاط
  • قوة السمعة : 42
    افتراضي مش راح نشلح ازود من هيك
    ازود, راح, هيك, نصلي

    يااااااااااااا حييا الله بظيوف الوطن ويا هلا... وما اغرب شكل علامك يا وطن جنب علامو.... طب يا دوب الوننا توخذ شوية على بعظ وتستوعب حالها في حالها... شو بلم لونين زيادة على هاللخة... مش فاهم...
    بعد المهلي والترحيب... هي زيارة تهديد... والا ... تحديد.... او.... تهويد.... او يمكن... استفزاز... او لتزويد الحكي على بعظ ... او زيادة الاحكاد... واللا بس زيارة اعلامية؟؟؟؟ وفش هدف اصلا منها يكدم ولا يأخر اييا موظوع ...
    عمي احنا عرفنا وتعلمنا انو اكلع العين بتستحي الشوارب... بس برظو اكلنا خوازيك منكوا... واكلنا هوا اميركاني في معالك محلية... وكان في لفحات هوا محلية معارظة (هذي التحلاية) ... وبدل ما تحسن.. نفختنا وزادت الطين ريالة....
    عمي اتغدوا ودردشو صحتين وعافية ... واتفكوا... بس لازم تعرفو اشي واحد... احنا صحيح كرفنا... وتعبنا... وزهكنا... وتكلعطنا... وبنصحى الصبح وبنسب على حالنا... وهذا كللوا بفظل جهودكوا المدروسة يعطيكوا العافية.. والله بنعرف اننا غلبناكوا معنا .. وخلف الله عليكوا....
    بس صدكوني... لتكوم الدنيا وما تكعد اذا حاولتوا تشلحونا ازود من هيك....... لانو كللو كوم والشرف كوم... مع اننو كل الحوالينا واصلين في الشلح والتعري لمراحل بترفع نسبة المعنويات الحيوانية... وفي هيك موكف بموت الحيا وببطل حدا يستحي من الثاني.. لاننا ماخذينو جماعي.... بس ازود من هيك ...لأ ... مستحيل .... لاننا وصلنا لدرب مسكر... يا بنشلح عل الأخر... يا رح نظرب... وبالوجه...ومش تحت الحزام اللي هي خطتكوا اللئيمة.... والاغلب مش راح نشلح ازود من هيك....
    لازم تفهموا اشي واحد.... احنا كبرنا وصرنا نمييز بين التنازل... والتخاذل... وبين الوطنية وبين الهمجية... وبين الكانون... وبين الكانتون.... وبين السياسة.. وبين الثورة.... وبين التعاون وبين التعامل.... وبين الخدمة وبين الاستعباد.... وبين الشرعية... وبين الشريعة.... وبين حرب الشوارع .. وبين حرب العصابات... وبين المراجل... وبين الزعرنة.... ولازم تعرفوا اخرى.. اننا صرنا نمييز بين المايوه وبين الكلسون.... فاعرفوا اننو ولاد البلد كبرت... والحكي للجميع.......... فديروا.... بلا كافه.... بالكوا....
    السيدة الفاظلة.... اهلا وسهلا يا عمي ... اتعشي فلافل وكعك وعلى حسابي... مهو اصلاً عشاكي على حساب كل البلد.... بس ظبي البكجة تبعتك وارجعي مطرح ما جيتي... لانو كيف راح تكنعينا بديمكراطية حكومتك... وجدك وابو جدك عانو من عنصرية سيادك؟؟
    فككوا عننا... لانك عارفة منيح بعدكوا عن الديمكراطية اللي جايية تتخرفي فيها... زي ما احنا برظو..... بعاد..
    ويالله يا كعييييككك.........
    اكيد راح يبعدونا عن الشوارع هاليومين... عشان ما نعطي شكل غير حظاري عن المنطكة... بس حظاري من هالزيارة.... وبهاليومين... (وعشان ما نسِّود وجه المسؤلين).. بتصير لفة العربية من ورا الشارع الترابي.. جنب الحَبَلة الكرعة... فالرجاء من الزباين التكرم بلف اللفة والنط عن السِنسِلة (استثمائياً).....
    قديم 15-11-2007, 04:03
    المشاركة 2
    الصورة الرمزية Eng Abu Yazen
    Eng Abu Yazen
    ...::::: مشرف عام سابق :::::...
    افتراضي
    موضوع رائع جدا

    بحيك
    قديم 15-11-2007, 07:07
    المشاركة 2
    الصورة الرمزية بياع الكعك
    عضوية مجمدة
    افتراضي
    الله يخليك يا حبيبي
    كعيككككككككككككككككككككككك
    قديم 15-11-2007, 07:10
    المشاركة 2
    الصورة الرمزية Mr. Vista
    Mr. Vista
    عضو مجلس ادارة سابق
    افتراضي
    سيدتي الفاضلة ...
    نحن شعب نريد الحياة ..
    نكافح من اجل لقمة العيش ..
    مشاكلنا نحلها بانفسنا ... لا ننتظر احد ليحلها لنا ...
    هذا ما وددت قوله لهذه السيده ..
    قديم 15-11-2007, 08:01
    المشاركة 2
    الصورة الرمزية bahera
    bahera
    افتراضي
    جدددد

    موضوع كتيرررررررر حلوووووو

    يعطيك العافية
    قديم 15-11-2007, 08:35
    المشاركة 2
    الصورة الرمزية بياع الكعك
    عضوية مجمدة
    افتراضي
    شكراااااااا مني حكيت من او شي انو انتووووووو مسخمين مثلنا
    شكرااااا
    اضافة رد

    مواقع النشر (المفضلة)

    الكلمات الدلالية (Tags)
    ازود , راح , هيك , نصلي

    أدوات الموضوع

    الساعة الآن 06:20.
    الملتقى غير مسؤول عن أي اتفاق تجاري أو تعاوني بين الأعضاء
    التعليقات المنشورة لا تعبر عن رأي ملتقى طلاب فلسطين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

    جميع الحقوق محفوظة لملتقى طلاب فلسطين
    •  
    •  
    •  
    Powered by vBulletin® Version 3.8.8
    Copyright ©2000 - 2021, Jelsoft Enterprises Ltd.